立場新聞 Stand News

致:時代革命中的「家長」們

2020/5/10 — 12:10

作者 Facebook 影片截圖

作者 Facebook 影片截圖

【溫馨提示:建議先觀看影片,後閱讀貼文】

今日係母親節,但同以往唔同,今日更加係運動之中嘅母親節。

廣告

母親,呢個名對好多人嚟講係一種身份,亦可以係一種責任。為人父母對仔女開初嘅期望,大都離不開健康成長,出人頭地等等心願。

自運動開始,每到遊行或行動日,亦係唔少父母最擔心嘅日子。仔女唔見咗成日,甚至成個星期。每晚返到屋企全身都係一陣刺鼻嘅氣味。撕心裂肺,卻不敢多問。暗自擔心,卻無權阻止仔女做一啲啱但危險嘅事。每晚嘅一句報平安亦變得奢侈。

廣告

但並唔係每個父母都咁開明,亦有手足遇上家庭上嘅衝突,令一班仔女不論原因,選擇離開屋企。

因而令到運動之中亦出現過一班「家長」。呢班家長佢地都有一班「細路」,佢地會「接放學」,會去「送飯」,甚至會「供書教學」。看似同一般父母無異,但其實每一句,都代表著不同嘅故事。

大家之間可能從未見過面,但彼此卻甘願互相犧牲,只因為大家互視為命運嘅共同體。於千萬人之中遇上,於千萬年之中遇上,但最常出現嘅一句說話,可能只係一句「安全嗎?」

家長,角色卑微卻沉重,可能有日仲未同自己嘅「細路」講再見,佢地已經消失不見。即使以細路稱呼,但佢地已經係呢班家長心中嘅巨人。

記得 612 後兩日,一班香港媽媽嘅集會,參與人數之多,大家見到下一代無放棄,我地亦都唔應該放棄。縱然,運動嘅進行曲中,未必響直播中見到佢地嘅身影,但背後嘅付出,亦都係將抗爭運動昇華,不可或缺嘅一員。

但願有一日,所有人都能夠除低口罩,煲底相見。但願有一日「家長」不需再出現,香港能夠再次重光。

 

#光復香港 #重光 #母親節 #反極權運動

作者 Facebook

發表意見