立場新聞 Stand News

與其責備,不如找出解決方法

2019/8/14 — 14:04

【文:我們】

過去兩個月,每天早上打開手機,留意相關「反送中」的新聞以經成為我生活的一個重要部份,內心只有一個希望⋯⋯唔好發生大事,唔好有人受傷,唔好有小朋友比POPO捉⋯⋯

尋晚有去機場,大概知發生咩事,知道發現(疑似)公安,知道啲細路點對佢,聽到有人好激動,只係睇,無出聲,無阻止,差不多夜晚 10 點左右就離開機場。

廣告

無出聲,無阻止,因為作一個香港成年人,從未經歷過如此混亂的場面,何況啲細路?,再加上日前有一個女仔因為 POPO 無左隻眼,大家心情都吾好,都好憎 POPO,聽到在現場找到(疑似)公安,更加情緒激動,真係想用暴力去報仇,有人好激動甘大聲叫,要點點點對個(疑似)公安,但亦都有人大聲叫停,吾好甘做,好亂。當時根本吾知點做先最好。

尋晚走的時候都知到今天早上,會有好多人批評個班細路做得過份,但估唔到多到超乎想像。

廣告

當時發現一個(疑似)公安,會唔會有更多公安或警察未被發現?如果呢啲公安或警察再煽動,令班細路當時情緒失控,又有無何能呢?

今早怪責班細路的人,當時做緊啲咩?坐係電腦前做鍵盤戰士?睇緊 CCTVB?定如本人係現場無出聲?

請問各位做有無教佢地去點做?教佢地點揾 25 仔?教佢地吾好再跌落警察的陷阱?

之前個個都話細路付出左好多,係時候到和理非出力,但依家啲和理非個個怪佢地錯,怪佢地暴力。

如果「你」係個班細路,你現在會有咩感覺。會無力嗎?會無助嗎?會有委屈嗎?

如果大家有時間去怪佢地,而又吾想割蓆,不如用多啲時間去念計幫佢地做得更好,唔好俾 25 仔煽動,唔好跟 POPO(大陸)劇本,今抗爭更和平,更長久。 

作者簡介 :  2019 年 8 月 13 日在機場保持沉默的一人

發表意見