立場新聞 Stand News

藍色通訊局 軍政體系趨向統一

2020/5/20 — 9:43

皇軍橫行,個人意見節目都已經無法容納個人意見;「諷刺時弊」,已經係一個行緊入棺材嘅概念。

一切事件,唔單止係通訊局藍咁簡單,而係整個軍政體系趨向統一。自從政府仰賴黑警鎮壓示威後,黑警已經穩穩坐晒喺全港公務員、市民頭上。

「辱警罪」未立,通訊局已經開始做打手,《左右紅藍綠》嘉賓警政專家被屈「煽動仇警」,《頭條新聞》完咗今季唔知仲有無下季。

廣告

僭建唔會有地政專員處理,黑警落鑊律政司只會告最輕嘅罪名,就連黑社會都已經被收編,成為黑警「手臂延伸」。消防員鬧警射催淚彈入消防車,仲要被推撞被警告;救護員到場救人,防暴肆意驅趕,兼鬧垃圾。

市民鬧幾句會被捕,甚至由人群中拉你出嚟打。拉錯人唔會有後果,見後生仔就打咗先。入商場亂打亂噴逼商場落閘都無所謂,就連喺警署涉嫌強姦,老頂都可以透過告個受害者幫你 cover up。

廣告

一班過街老鼠,只能靠權力、武力威嚇。得唔到人心,就用棍棒打到你頭耷耷。黑警唔被制裁,香港都唔會有運行。一切惡行,香港人記在心中,唔會忘記。

要還㗎。

作者 Facebook

(標題為編輯所擬)

發表意見