立場新聞 Stand News

虛偽的林鄭月娥,點解你唔譴責暴力?

2019/7/12 — 10:59

是否撐警察、撐政府、反示威者就有權打人,可以免受政府譴責?有個別甚至可以得到警方保護坐的士施施然走人。有部份據說甚至是除下了制服的休班警員,係咪除咗執勤唔使出示證件之外,警察下班仍然攞正牌可以繼續使用武力?

依家係邊個治港?係老黑治港、警察治港、老不死藍絲治港,定係撐政府就可以暴力治港?

點解係呢一類事件上,唔會見到特首或者一哥企出嚟高調譴責暴徒,又唔會宣稱反對暴力,表明一定會嚴格執法,又唔表明要拘捕暴徒歸案?

廣告

係唔係撐警、撐政府、撐特首、反對示威者,就可以有牌打人、免受譴責、豁免被追究?

我認為議員有責任即時要求約見特首、警務署長、保安局長,要求佢哋就近幾日出現嘅毆打示威者、搗毀連儂牆事件表態。

廣告

政府係咪覺得呢啲暴力唔係問題?如果佢哋拒絕咁做,就請佢哋以後收聲,唔好再高調話要譴責暴力,政府亦都冇資格話要追究衝擊警方防線的示威者。政府如果唔表態,就甚至無資格去譴責衝擊及佔領立法會的年輕人,起碼佢哋冇傷害別人身體。

那一種暴力更嚴重,那種構成更嚴重的傷害,這是十分清楚的!

政府一直冇對這一類暴力事表明態度,根本就係雙重標準。我認為甚至係默許及鼓勵這類行為。政府如果繼續唔出聲,特首、一哥、保安局長及一眾奴隸派議員,全部都應該受到譴責!

呼籲社各區的社會服務單位盡力協助被暴力對待的年輕人!

希望所有人在場人士,如果你拍到片,或者目睹過程,都去報警,等警方冇藉口唔去跟進!

作者facebook

發表意見