立場新聞 Stand News

血腥不是成本,而是目的

2020/4/23 — 11:22

【文:兩週下架】

有些朋友目前有個語言,就係「北京點解(要付出如此成本)都要咁做?」

這種語言已經過時了。

廣告

以內會風暴為例。北京可以【a】選擇謝偉俊方案,在議事規則委員會啟動修改《議事規則》然後直入大會,令內會選舉即時改為由秘書主持;【b】若七月尾郭榮鏗報名參選,無須原因提名無效,永久剝奪他的政治權利;及【c】是但起訴郭榮鏗兩三項非法集結乜乜乜,一定中。

咁樣做北京的「成本」就低好多,點解佢地唔咁做呢?

廣告

多篇聲明高調批鬥郭榮鏗,然後一兩週內夾硬 DQ 佢 —「血腥」不是成本,而是目的和 campaign 能量。

因此,可以預期,褫奪郭榮鏗議席的方法一定十分「血腥」。以達到震懾和 campaign 的效果。

同理,目前北京已不「怕」攬炒,佢地而家係明確咁話俾香港人聽,只有佢地有權力攬炒,我地冇呢種權力。要攬炒的話,就由佢地來攬炒。莫講話 35 席,就算民主派選贏 40 席,北京一樣幫你埋單,無須理由 DQ 你,不留任何餘地。

至於國際制裁,中國更加沒有「怕」或「不怕」。他們似乎是相信或認定了美國必然會制裁,無論香港如何,無論選情如何,所以現在係直接預備這種情況。事實上,無論過去現在將來有否國際制裁,對中共而言,香港問題都是民族主義的治國根基,會用最絕對的高壓手段去處理。

這就是北京對香港的 2020 態度。唔介意香港會變成香港巿,會變成和中國大陸一樣的地方。

我稱這種態度下的管治為「一國一制」。

一國一制,現已開始。

發表意見