立場新聞 Stand News

誰人害怕轉型正義?

2021/2/13 — 18:40

2018 年 5 月 31 日,促進轉型正義委員會舉行揭碑儀式。(圖片素材來源:維基百科)

2018 年 5 月 31 日,促進轉型正義委員會舉行揭碑儀式。(圖片素材來源:維基百科)

「轉型正義」這四個字,香港人可能有點陌生。簡單來講,就係一個地方經歷過黑暗時代,成個政府爛哂,到今日終於民主了,以前的事情點樣面對。

例如當年可能有人懷疑「被自殺」,要搵返個凶手出嚟。

可能有政治人物俾黑社會毒打甚至暗殺,警察查來查去又話無可疑,要搵返係咪其實警察自己都有份。

廣告

又或者各式各樣的官司,係咪有冤獄,要逐單案查返出嚟,然後政府要道歉同賠償。

仲有警署收埋每個政治人物、學者、傳媒人等等成寸厚的 file,要向當事人公開。

廣告

至於以前留低歌功頌德的紀念碑,要討論係咪應該搬走佢,或者送去博物館教育下一代警剔歷史。

而以前毆打示威者的黑獄,要改為紀念館。

最後,個別政黨或相關企業收收埋埋幾億幾億,有幾多係靠關係得來,係咪要充公,一樣要調查。

這些,都是轉型正義。注意,轉型正義不是報復,不是以眼還眼。轉型正義是要尋找真相,糾正錯誤,讓過去的可以真真正正過去。

如此的大好事,世界各地的人都應該認真學習。台灣就在香港旁邊,台灣轉型正義的經驗香港人沒理由不去認識。台灣「促進轉型正義委員會」網站疑在香港被封鎖,難道有人害怕香港人認識轉型正義?

推介認識:

  • 疑似「被自殺」:陳文成事件
  • 黑獄改為紀念館:景美紀念園區

 

作者 Facebook

發表意見