立場新聞 Stand News

請不要止於「悼念」8.31

2020/8/31 — 23:25

8 月 30 日,8.31 太子站襲擊一年前夕,有市民在港鐵太子站出口獻上白花致哀。

8 月 30 日,8.31 太子站襲擊一年前夕,有市民在港鐵太子站出口獻上白花致哀。

香港人絕對不能忘記 8.31,因為黑警無差別棍毆巿民、拒絕醫護人道救援,絕對是惡貫滿盈之邪惡。

但懇請大家明白,8.31 事件,我們不能以被動「悼念」形式去面對,我們不能墮入過去三十年向政權苦苦哀求「平反六四」的陷阱。我們要為一切無辜受苦同路人爭取公義,單靠眼淚與白花遠遠不夠。我們要真相,亦絕不是「8.31 CCTV」就夠。經過一年抗爭,不明不白的,又豈只 8.31 真相;含冤未白的,又豈只 8.31 受害者。我們要真相,要公義,就要以更積極態度、更堅定抗爭意志,徹底完成「嗰八個字」。我地只有全贏、或者全輸。只要香港依舊被不公義掌控,未得真正民主自由,任憑公開幾多條 CCTV、任憑幾多個失蹤人士澄清冇死到,所有真香港人嘅苦難都未完結。

就如 7.21 上環嘅抗爭者需要大家記得一樣,8.31 當日一樣有無數香港人為呢個城巿嘅未來浴血奮戰。大家或者忘記咗,8.31 前夕,建制中人不停放風恐嚇要緊急法、要宵禁、要戒嚴,岑子杰遇襲,陳浩天黃之鋒等多人被捕,8.31 遊行被禁。

廣告

但即使如此,無數人無畏無懼再次聚師金鐘,劍指政總,迫得水炮車首次向人群以催淚水炮攻擊。

呢個,係香港人記起 8.31 時要記得嘅使命。為咗每一位受冤嘅香港人,我地要繼承抗爭者嘅若水之志、無畏勇氣,喺未來每一日勿忘初衷,勇敢同極權周旋到底。

廣告

我地可以悲泣、可以哀悼,但我地更要為每一個手足,勇敢行落去,喺每一個可能嘅範疇精進自己,等有一日機會嚟嘅時候,為追求 100% 自由呢個畢生志業行多一步。

飲水坐直,練體能,讀書,多識朋友,多學一門技能傍身,關心自己同身邊人嘅健康,多搵機會同身邊朋友傳揚理念。我地可以做嘅事,太多太多。在艱彌厲,不因善少而不為,不放棄向煲底行近嘅每一小步。

真相、公義,只會在重光後遇見。到時見。

 

作者 Facebook

發表意見