譚耀宗:人民日報批評教協是關心香港 對國安不利組織都「唔應該繼續」

官媒《人民日報》炮轟教協,港府隨即中止合作,十多日內教協即宣布解散;全國人大常委譚耀宗指,內地媒體是關心香港所以提岀看法,「如果呢啲組織唔再存在,亦都解決咗一啲問題」,對國家安全不利的組織都「唔應該繼續」。

譚耀宗今岀席「香港國安法實施一週年」專題講座後見記者,對於《人民日報》點名炮轟教協後,教協短期內解散,認為「內地啲媒體嚟講,都好關心香港嘅」,由於認為香港有團體過去行為對香港、國家安全不利,所以提岀看法,引起港府及社會關注是好事。

除了教協外,民陣亦盛傳將解散,譚耀忠指若這些組織不再存在,「亦都解決咗一啲問題」,強調無論個人或組織,都需要維護國家安全,「總之所有對國家安全不利的組織都唔應該繼續架啦,我諗特區政府都會去研究,睇下邊啲團體抵觸咗國家安全嘅法例。」

他又在會上提到,現時國安法未涵蓋所有基本法 23 條的範疇,被問到推動 23 條立法的細節,他表示要再研究如何推動禁止假消息、竊取國家機密,以及香港政治團體與外國聯繫方面等立法工作。他又指,下周一會到北京開會至本月 20 日,內容有關全國性法律納入基本法附件三,估計關於反外國制裁法。他認為如可通過本地立法,可令法例落實更完備,亦會有更多時間研究實施細節。

編輯推介

    發表意見