朝雲

朝雲

左膠

2019/7/11 - 13:21

警察冷言冷語質疑絕食者作假ㅤ陳伯伯:質疑嘅人企出嚟,由你定規矩,我哋一齊絕食

陳基裘伯伯(朝雲 攝)

陳基裘伯伯(朝雲 攝)

陳凱興傳道(朝雲 攝)

陳凱興傳道(朝雲 攝)

好鄰舍北區教會陳凱興傳道自 3/7 在金鐘發起絕食,約十名市民響應,最年長者首數古稀之年的陳伯伯。眾絕食者只飲水和寶礦力,迄今已達一星期。

廣告

「林鄭唔止唔回應市民訴求,亦唔在意市民嘅情感。」當年輕人篤信一切徒勞,只會走上兩條路,要麼升級,要麼自毀。

作為教牧他於心不忍,除了兩個極端應該還有其他出路,就由他去身體力行。「套用《遊戲王》嘅術語,即係用生命值硬接。」*

(註:該漫畫中的角色如遭怪獸攻擊,既可選擇派自己馴養的怪獸擋駕;也可選擇用自己的生命值抵擋。)

「耶穌願意受苦釘十字架,表示佢明白人世間嘅苦楚。信仰讓我哋同抗爭者、同年輕人同行。唔單止明白佢哋嘅痛苦,而且願意同佢哋一同受苦。」

陳凱興強調教會應該無牆,在不同地方都可彼此扶持,彼此分擔,「耶穌就會喺依度。」

不少人都有疑問,政府連自殺都不為所動,究竟絕食有沒有用?陳凱興解釋絕食不是為了政府,而是面向人民,冀能重召瀕臨瓦解的民心。

他呼籲市民互相感染,相繼加入,找回曾一起上街,今卻失散的百萬人民,繼續堅持訴求,直到政府答允。

✽ㅤ✽ㅤ✽

由於絕食已達七天,最年長的陳伯伯身體經已堪虞,隨時難以為繼。陳凱興呼籲群眾接力,張超雄議員已宣布加入絕食。

陳凱興提到絕食期間,雖遭藍絲不斷滋擾,但最大的冒犯來自警察。

一晚有白衫督察偕藍衫軍裝到場。陳向他們打招呼,但兩警沒有搭理,只是探頭望向花槽。陳問何故,警察說「睇吓有咩收埋」、「你絕緊食呀?絕食咗六日?有冇可能呀。」

陳說他莫名其妙,不料警察會這樣說話,當時根本不知怎樣回答。「可能警察喺前線受到極大壓力……但我哋係以和平行動伸出友誼之手。」

「如果撐警嘅人話要設立辱警罪,市民可唔可以要求成立侮辱市民罪?」

至於陳伯伯的精神雖仍矍鑠,但聲線卻明顯沙啞含糊。原來絕食期間有年輕人前來慰問,卻忍不住感觸落淚,換到陳伯伯去安慰他們。這幾天說了不少話,致令聲沙。

「唔緊要,我要盡能力為青年人服務。咁摧殘青年人係唔得㗎!唔可以有權有勢就駛盡?,佢哋(官員)都有仔女,可以調番轉頭諗,咁就平衡喇。」

對於惡意的質疑,陳伯伯義正辭嚴。「你夠膽就站出嚟,由你定規矩,拎三日出嚟,大家一齊絕食,我接受挑戰。」

「反對嘅聲音我已經習慣咗,話我收安家費、被人利用、受人擺佈……但人正不怕影斜。我冇受過一分錢,冇加入過任何政黨,我企出嚟只係因為我睇唔過眼。」

最後陳伯伯解釋絕食的本意。「我唔會寄望政府有咩回應、關心我哋。老人家都要出嚟絕食,反過嚟係要證明依個政府麻木不仁!」

 

作者 Facebook