立場新聞 Stand News

警謊有幾可恥,香港人就有幾開心

2020/2/21 — 10:22

資料圖片,來源:Matthieu Joannon @ Unsplash

資料圖片,來源:Matthieu Joannon @ Unsplash

香港全城慶祝,多一個人確診本身唔會成為國際新聞。但係一個人(及其全家)確診令到全城慶祝瘋狂洗版就係國際新聞,因為佢嘅職業係警察。

連 ISIS 首腦死都無咁多人慶祝,世上最可恥嘅紀律部隊當之無愧。

涼薄?
拉闊啲嚟睇,喺三個半月前嘅 11 月 8 號,周梓樂同學逝世當晚你哋講「今晚我哋開香檳慶祝呀!」,言猶在耳。林奠政權暨三萬同袍無人出嚟譴責割蓆,就預咗有今日嘅涼薄。

廣告

7.21、8.31、新屋嶺、墮樓浮屍、中大理大,歷歷在目。
講真,有排都未夠涼薄。

指罵聲當然大有人在,「泯滅人性」、「幸災樂禍」、「落井下石」、「麻木不仁」、「仇恨吞噬理智」呢啲成語我都學唔少。就好似袁詠儀心痛佢個仔嘅 IG 俾人圍攻,話小朋友係無辜;咁喺過去八個月俾人打到爆哂頭嘅小朋友就唔無辜?

廣告

其實,由一開始我哋就唔應該對大台出嚟以嘅港姐有任何期許,由始至終,佢都只係套著一副美麗皮囊嘅戲子,囊入面早就爛到入心。

如果佢哋真心大愛,敢問陳彥霖裸屍慘死、周梓樂墮樓不治、印尼記者被射盲眼,佢哋呢班「大愛智者」有無企喺道德高地用同樣嘅力度去指責警暴殘暴不仁?

無。半句都無。因為佢哋唔係耶穌神愛世人,只係政權旁邊狐假虎威,為虎作倀嘅投機者。

呢啲人配唔上「大愛」、「道德」呢啲形容詞,連「左膠」都唔配,「虛偽」、「偽善」、「投機」、「可恥」、「卑鄙」比較合適。

同呢啲人講良知係緣木求魚,因為根本沒有,眼中只有利益。
人哋同你講良知嘅時候,佢就同你講法律;當人哋同你講法律嘅時候,佢就指責你毫無良知。
醫護合法罷工如是,今次慶祝「武警」如是。既然你哋咁鍾意講法律,咁咪講下「因為某人嘅職業而確診肺炎感到欣喜」犯咗咩法。搵唔到,咪唯有話你哋「仇恨掩蓋理智」。誠然,對於自身利益,佢哋永遠會作出最理智嘅考量。

當然,港共政權隨時都可以立法「剝脫香港人開心嘅自由」,差在係幾時,所以更加要及時行樂,人生得意須盡歡,過往八個月都未曾如此解氣過。

車公話齋「天眼恢恢疏不漏」。
總之,一句講哂
無可疑。

發表意見