立場新聞 Stand News

貨幣攬炒:黃店 + 美金 = 黃金經濟圈

2019/12/8 — 15:30

立場新聞圖片

立場新聞圖片

【文:Lucky Yung】

明朝滅亡同國民黨敗退台灣,部份原因係衰貨幣崩盤,明末大量白銀流出,加之遼餉問題,導致國庫虧空,之後強征暴斂引發各地暴動,最後闖王進京王朝滅亡。

國共內戰期間為應付共匪,國民政府財政緊絀,聽從共諜建議,發行金圓券,加上美援被停,引爆通貨膨脹,最後亦失民心,令到有無限蘇援的共匪贏得大陸。

廣告

綜合上述案例,貨幣戰的威力關乎政權生死,因此作為牆國事實央行的香港,如果到最後要直接和牆國攬炒,就必須使用貨幣戰呢個金融核彈。

需要怎麼做?其實非常簡單,就係廢除港幣轉用美金,之前連登發起換美金行動,事實已經完成第一步,第二步就係「拒港幣,用美金」,只要將所有商家及交易換成美金結算就可以完成。

廣告

問題二,點解商家會配合?很簡單,客源+利潤。只要香港人用 10% 的附加利潤比商家賺,最好就係黃店啦,藍亦無所謂,反正有額外利潤相信佢哋都變黃,而收的美金全部不要存入銀行,全部手揸或存外資銀行保險櫃,目的係民主掌控外匯及定匯價權,控制埋實際流通環節,只要完成以上步驟,第二步「用美金」計劃就成功。

只要市面冇港幣,只有美金之後,聯繫匯率就自動破功,高於 10% 兌換價就係破功的工具,冇人會再 on9 用 7.8 去銀行換美金,而放棄 8.58 的民間兌換價,而香港人掌握市場全部或大部分美金之後,亦將所有或大部分外匯儲備從政府手上變左過來,當金管局無左美金兌換港幣後,直接就可以宣布港幣死亡,冇左外匯+港幣死亡會點呢?就係政府冇錢,就會通過發債維穩,但係赤字會上升,單靠低稅率和部份政府企業利潤根本無法維繫公務員和 POPO 們,最後就會發唔出糧⋯⋯,經過時間發酵,政府冇幾耐就會財政破產,繼而停擺癱瘓,而牆國人民幣亦會隨著港幣死亡和金管局沒有美金,失去 70% 美金外匯流入等於就同明朝冇白銀一樣,再印鈔只會進一步通貨膨脹直至爆煲,引發金融海嘯,所有財富一夜蒸發晒,之後局面無法想像。

全民 10% tip 就可以買起政府,呢筆生意唔知會唔會成功呢?唔知道,或者之後會用外匯管制也不定,但一用金融中心就玩完,結果亦是等同攬炒。不過以上計劃一經實行就無法回頭,所造成的影響只係個人簡單想像,最好有經濟學家做出數學模型驗證一下,當然希望唔好行到呢一步,因為支爆係終極攬炒,最終風險無法估計。

(作者個人簡介:愛自由的 80 後毒宅男一名)

發表意見