立場新聞 Stand News

走入解封理大 「可以想像當日學生有幾驚」 「好多人離開理大,但心仍然困在監獄」

2019/11/29 — 13:59

理大校園解封,校方發聲明指校園仍存在不安全因素,而且清理、盤點及修復需時,故校園仍需關閉,只限校方授權人士進入,直至另行通告。不過,仍然有市民在警方解封後即刻進入校園了解情況。

在理大附近上班的吳小姐走入校園,看到破落的環境後感觸落淚,她形容超級震撼,「喺天橋睇到遮陣嗰陣已經好心悒,入到正門更加崩潰,唔係因為啲建築物有幾爛,而是見到呢兩個星期直播的畫面喺眼前,可想而知當日喺戰場上的學生有幾驚。」她說,希望學生都可以平安回家,見到家人。

廣告

一直協助被困學生家長的彭牧師,在理工大學解封後第一時間趕到現場,他說很大感觸:「理大圍城咁多日,警方做法相當唔人道,好多人入咗嚟,被迫留喺度,然後就被控告暴動。」

他認為政府和警方高層將理大事件變成人道危機,即使事件暫告一段落,但很多人仍然活在陰影下,「有學生出去後有情緒和人際關係問題,我們有幫忙聯絡社工和律師,但希望警方不要再濫捕濫控,好多家長都好困擾,因為仔女就算出咗嚟都好惶恐,一有人㩒門鐘就以為係警察上門拉佢,好多人係身體離開咗理大,但心仍然困在監獄。」

廣告

彭牧師

彭牧師

發表意見