假才子

假才子

比較政治碩士學歷、傳媒工作者。取名「假才子」是因為潮流興才子才女,但又沒有人承認自己是假大空的偽才子才女,所以先行澄清。文章內容不好就還請見諒,畢竟我不是個正牌才子。

2020/6/17 - 22:23

趁國安法前,講講關於港獨的幾個觀點

應該歷來最趕客 entry,不過都趁國安法前講咗先。關於港獨

1. 其實我冇話過支持港獨。我本來就唔係好民族主義的人,無論香港定中國民族主義

2. 獨立最大好處係民主,同自主度提高。但不可能完全自主。好多國家獨立咗都係受制於鄰近大國,日本咁大的國家都仲要做美國條𡃁。雖然跟美國總唔會衰過跟中共

廣告

3. 同樣地,獨立亦唔係事必有民主,好多亞非國家獨立後只由殖民者獨裁變成同族人獨裁。當然我諗香港應該未至於咁嘅

4. 我對港獨的最大憂慮,唔係咩東江水嗰種層次的事,而係好老實必須取得中國或美國同意,either 中共自己決定唔打你,or 美國撐你令中共唔打你

5. 前者,除非中國整體思維改變否則不可能,但如果思維改變成咁了,可能中國都會比香港有真正高度自治,獨立就冇咁大逼切性了

6. 後者,我睇唔到美國點走到不惜同中共開打都支持香港獨立一步。台灣都仲有可能,但香港條件差太遠,美國好難 defend 香港

7. 所以爭取國際施壓,中美合意,中共比香港落實真正高度自治,係目前最大可能。之後的就見步行步

8. 以上唔同意都好,獨派都至少要睇埋下面依句:支持香港獨立所以同中國一刀兩斷,鄰國的事唔需要理 or 知,係錯到離譜

9. 唔知己知彼係唔會知點對抗對家。美國、日本同台灣咁多人做中國研究就係咁。同理,唔識國際事就衝去國際線都係危險

10. 同埋獨立都好,佢始終係鄰近大國,唔講東江水都好,好多生意都仲係要做,親中派亦肯定會繼續存在。條線點劃,關係點搞,係要小心研究,唔係你話斷就斷

 

(標題為編輯所擬)

作者 Facebook