立場新聞 Stand News

鄧炳強:鍾意睇《頭條新聞》但不應誤導 自殺案「無可疑就係無可疑」 已訓斥追射商台記者警員

2020/3/7 — 13:16

警務處處長鄧炳強今早出席電台節目接受訪問,除了總結反送中運動以來的工作之外,亦回應社會對警隊的意見,包括要求警方尊重新聞自由,不滿警方兩度去信廣播處長認為港台《頭條新聞》內容偏頗等問題。

鄧炳強回應說,自己都有收看,甚至「好鍾意睇」《頭條新聞》,認為當中的內容「好好笑」,部份內容是「無傷大雅」,但如果節目內容會令公眾對警隊的工作有誤解,他認為就需要處理。

另外,鄧炳強亦回應去年 11 月一名商台記者在反送中運動示威當中,被防暴警察射中海棉彈的問題,他表示部門已經「訓斥」了該名警員,亦強調警隊尊重新聞自由。

廣告

擔心市民認為警察做事馬虎

鄧炳強在商台節目《政經星期六》當中,表示,不同意去信香港電台是干預他們的創作自由:「講返《頭條新聞》呢,我自己就好鍾意睇,覺得佢好好笑,尤其個「擔心字典」亦都係好好笑嘅。譬如琴日嗰集我都有睇啦,演繹返我之前講過的東西,呢啲係無傷大雅。」

廣告

鄧炳強認為,最重要是節目當中不要有誤導內容:「千祈唔好用一啲誤導性的方式,令到市民覺得我哋警察做嘢係馬虎,覺得我哋係濫權唔去巡邏,令我哋的專業性有所影響,從而影響公眾的信心,影響公眾的利益,我覺得咁樣係唔得的。正正因為佢講嘅嘢,市民會以為係真的,譬如都有市民都話,點解我哋唔出嚟巡邏呀?」他認為,正正是誤導的資訊影響了市民的觀感,「我覺得我哋係要去澄清。」

另外,鄧炳強在港台節目《星期六問責》當中,亦被聽眾問及為何警隊容不下《頭條新聞》當中的幽默,「係咪就係因為佢哋正正指出了警隊所犯下的錯誤?」鄧炳強同樣回應說,幽默感不是問題,「最重要是節目內容不要令公眾令到我哋信心失去。例如梁女士提到,點解咁多自殺都係無可疑?無可疑就係無可疑㗎啦,但可能梁女士就睇到新聞,就會覺得『無可疑』係咪即係反映我哋查案馬虎?呢個就影響了觀眾的觀感和信任,呢個對我哋防罪滅罪有好大影響,亦唔符合公眾利益。」

防暴警員打中商台記者背囊   已被「訓斥」

去年 11 月中,有示威者在旺角堵路,當中一名商台記者在拍攝過程期間,被警方強行推撞,指涉嫌暴動,後來警員又示意要拘捕他,記者即轉身離開,有警員在背後追射記者,記者背囊被一發海棉彈擊中。鄧炳強回應事件進展,表示「呢件事我哋係已經訓斥咗(該名警員)。」

鄧炳強說:「我相信不論你地同事還是我地同事,大家都係盡忠職守,只不過係大家身處的位置唔同,關注點並不一致。」他又表示,「我哋係絕對尊重新聞自由」,改善跟傳媒的關係亦是警隊的工作目標之一,「大家都要多啲了解,大家都要互相尊重,大家都係好專業。」

發表意見