立場新聞 Stand News

醫管局 HR 又唔做嘢,又唔讀書

2020/2/4 — 15:24

醫管局行政總裁高拔陞

醫管局行政總裁高拔陞

醫管局 HR 發信俾參與罷工員工,警告佢地話,員工喺工作時間內參加罷工無得到僱主同意,同埋員工參與罷工,只能根據法例規定去做。

原來又唔做嘢又唔書嘅人,唔單止死黑警,仲有醫管局 HR。

幾千人規模罷工,作為 HR,唔係應該諗下點樣拆彈點樣疏導㗎咩?反而仲要嚟火上加油、激化同事不滿?人地無返工但做緊好多嘢,守護香港人嘅健康同安全,喂你班友日日返緊工其實根本乜都無做囉。

廣告

你話員工「喺工作時間」罷工無經僱主同意,我想問下,有無人係喺「工作時間」以外罷工嘅呢?你咁叻不如你地嚟示範俾我睇睇?呢樣嘢根本係自相矛盾,同叫上帝創造一塊石頭去揼自己隻腳,有乜分別?

仲有你口口聲聲話,員工罷工無經過僱主同意,請問你有無見過世界上有罷工係得到僱主同意嘅呢?醫管局 HR 真係天才!人地員工發通知俾你,係表明唔返工因為履行罷工權利,而唔係請假、曠工或失縱,你咪當成人地同 HR 申請批准先得㗎!

廣告

再講,你話叫員工跟番法例去做,咁依家咪跟緊囉,除非你話《基本法》唔算法律啦!《基本法》第二十七條訂明:「香港居民享有……組織和參加工會、罷工的權利和自由。」既然係基本法保障我地有權罷工,咁醫管局員工進行罷工,到底有邊方面無跟到香港法例呢?

相反,醫管局 HR 請聽清楚,如果你地夠膽針對罷工員工作出歧視同報復,你就真係絕對唔係「do so in compliance with the law」。

圖片來源:作者 Facebook

圖片來源:作者 Facebook

 

作者 Facebook

發表意見