立場新聞 Stand News

長輩圖

2019/7/16 — 15:18

出現在連儂牆上的長輩圖

出現在連儂牆上的長輩圖

探望安居護老院的母親,遇上同時探望她的幾位長者,一起飲茶。

都是七八十歲的老人家,通常避免提及政治,免得言語影響情緒。突然其中一位說:「政府話分區戒嚴喎。」

我知道是《蘋果日報》消息說政府研究分區戒嚴。

廣告

另一位長者接口:「仲有五六區未去喎。」

我猜是說還有多區遊行。

廣告

長者接:「會唔會唔批呢?」

我按不住:「唔得㗎,人權嚟㗎。」

另一位接:「自由嚟加嘛,點可以唔俾。」

然後就聽到有關沙田衝突一些精句。

「封咗個地鐵入口根本唔俾佢哋走。」
「想困住佢哋。」
「無旯旯點會咬到你隻手指?伸個頭去咬你咩?梗係你挖人個口先咬你啦,唔通唔反抗吖!」
「咬佢嗰個大學生嚟個喎。人哋個個大學生大專生話人哋暴徒,你信唔信吖?」
「人哋得嗰把遮,至多篤你幾下,你支棍扑落個頭,有後遺症個喎,會腦震盪個喎。」

當時已經飲完茶埋單,後悔沒有早點帶起話題可以聽多一些長輩說話。

建制派想藉社區示威衝突翻盤?離地始終是建制的身位!社區衝突愈多,市民只會更怨恨掌握權位的建制派沒有利用自己特殊地位勸諫林鄭提出方案解決亂局,而是盲撐政府製造亂局。

奉勸建制派,小心長輩反噬。

發表意見