假才子

假才子

比較政治碩士學歷,現為傳媒工作者。「假才子」是因為現在流行才子才女,但又沒人敢承認自己是假大空才子才女,故先行澄清。文章寫得不好還請見諒,畢竟我不是真才子。

2019/11/23 - 22:23

關於區選幾點

最大動力都係踢走保皇黨同偽中立。依班人一邊收我哋納稅人錢,一邊鬧我哋曱甴、撐警撐政府、反對獨立調查、處處與民為敵。我唔理民主派或新人幾廢都好,反正點都係要出依筆人工,我寧願比個廢嘅都唔要比保皇。

政治係要睇埋大圍睇埋個勢。試想像如果保皇黨繼續贏,不單民主派同抗爭會洩咗道氣,保皇黨會大叫民意逆轉,「代表市民」18 區全部通過無約束力決議支持警方,外媒又會話香港人唔支持示威,七七七同瓊子又會向習總邀功,跟住警方又會相信市民支持自己,到頭來就鎮壓更加暴力,無論你咩派和理非定勇武都受害。

我知有人會覺得咁講係逼人含淚/屌票,但你由正常政治操作諗,係咪會變成咁,我肯 L 定會囉。

廣告

兄弟爬山各自努力,但唔係坐這山望那山一事無成,和理非同勇武要互相支持,選舉同抗爭唔係二揀一,可以兩樣一齊做,尤其選舉只係嗰一日哂你幾分鐘啫,投完票繼續抗爭囉。和理非當選者亦要明白依點,有事都唔好割席。

切勿大意,唔好以為個勢好好會贏硬。零三七一同一四雨傘之後嘅區議會選舉,民主派係多咗議席,但都係冇過半。但唔代表一定贏唔到,始終投票率都係比立法會低,二百萬人真係全部出嚟投票係會贏嘅。大家記得投票同提醒朋友投票。

如果今時今日仲有人覺得選區議員係睇佢幾「幫到手」滅鼠同清渠,民生同政治係分開,唔洗理大圍形勢,我真係唔知仲可以講咩好囉。

Btw 如果仲同藍屍有聯絡,可以講投比建制派都冇用,佢哋同林鄭都唔幫手止暴制亂,淨係推班警察上前線,白逗人工,不值一投。總之用啲迷惑法減低投票意欲。

最後一句,一個好重要今次要投票的理由:你唔知仲會唔會有下次機會。完。

 

作者 Medium