立場新聞 Stand News

關於街站被阿叔罵我勾結外國勢力

2020/6/12 — 11:11

作者提供

作者提供

今朝同觀塘願景 - 梁凱晴 Jannelle R. Leung 去樂富擺站,雖然勁曬但都反應好好,不過最值得一提既,就係遇到成班長者排隊拎免費大公報,結果不出所料,有位興致勃勃既藍絲阿叔,真係走來關照我:

阿叔:「漢奸!走狗!賣國賊!」

我:「呢位阿叔,雖然今日天氣好熱,但晨早流流又唔使咁燥,不如你講下我邊度賣國啊?」

廣告

阿叔:「中國人梗係撐中國,但你成日去外國,搵咩美國佬,根本係勾結外國勢力!」

我:「咪就係因為有外國聯繫,所以三月疫情爆得最勁果時,我先喺美洲同埋各地,加加埋埋買到一百五萬個口罩返香港,咁你話外國勢力有無用啊?」

廣告

之後阿叔唔出聲,但又唔行開……為免 deadair 我就繼續講話:

我:「所以呢……有口罩真係好緊要架,果時我地賣口罩,你有無買啊?」

阿叔:「我當時有試過上唔知咩網,話黃之鋒有口罩賣啊嘛……不過果時買唔到。」

我:「咁咪係囉,話就話中國人撐中國,但要買口罩既時候,你揀美國貨,定係中國貨啊?」

結果,阿叔個樣好無癮咁行開左。

所以話呢,小至街坊街里話愛祖國,但總係想買西方產地既口罩,大至高官諸如楊潤雄話要搞愛國教育,但送曬仔女去國際學校 —— 口裡說不,但身體誠實既人,呢個社會真係好多。

*** ***
儘管拉人封艇,取締眾志不再是空談,留一口氣,點一盞燈,拜托大家幫忙延續國際戰線血脈(是次籌募以美金結算)

作者 Facebook

發表意見