立場新聞 Stand News

阿媽!唔好射眼得唔得!

2019/6/12 — 22:52

林鄭月娥,圖片來源:新聞片段截圖

林鄭月娥,圖片來源:新聞片段截圖

唔好哽咽住。只係大家傾下做一個人最基本亦最崇高的準則,就是:「己所不欲,勿施於人!」如果你咁愛香港,為我們修正一條咁正嘅法例,又引起咁巨大的反響。你好應該同你的家人明志,公開宣布放棄外國戶籍,願意同香港人一起承擔呢條由你決定修正的法例,咁大家都比較心甘情願同你一齊捱。你係幾十萬人嘅慈母,冇理由只係放兩個仔喺外國咁偏心。

話時話,喺你心目中你對仔係好可愛。但你去金鐘現場睇下,大部分十五、六歲,個樣不知幾稚氣幾純真,真係搵一個金毛纹身蛇頭鼠眼都冇,嗰啲衝擊又笨手笨腳,裝備鬼咁原始鬼咁落後,來來去去得個幾把爛鬼7-11傘同保鮮紙。本來103萬極和平極欠組織嘅遊行,又俾你搞到咁有規模咁有組織。然後你又用槍當佢地靶咁射,眼界仲咁凖。個仔女唔生性,上一代唔識字嘅老豆老母,就算用棍用衣架最多打手打腳,都避免打頭啦!而家你又話打比喻,費事仔女下下任性變成冇家教,所以唔讓步要教訓下,但都好少聽講話老母會請啲狙擊手返嚟射啲仔女嘅!仲瞄正個頭!仲射眼!

喂!阿慈母!唔好哽咽啦好冇!

廣告

我只係唔想見到你哽咽!

廣告

發表意見