立場新聞 Stand News

除咗異常醒目嘅習肖像碟,其實仲有其他兩樣嘢值得留意吓

2020/4/23 — 17:13

曾國衛(《紫荊》雜誌影片截圖)

曾國衛(《紫荊》雜誌影片截圖)

【文:Mui Yuet Yan】

1. 後面書櫃擺放咗 2 張合照,一張應該係宣職就職時林同習近平、林鄭嘅合照,而另一張應該係同原中共中央政治局委員、中央政法委書記孟建柱合照。

呢幾日中共政法系統大清洗,孟建柱嘅秘書、原公安部副部長孫力軍啱啱被打落馬,其中罪名係「不知敬畏、肆意妄為」。孫力軍之前喺公安部曾經主理港澳台事務,同香港紀律部隊應該有唔少工作交集。

廣告

而另一個又係當年由孟建柱大力提拔嘅司法部部長傅政華亦啱啱被免去司法部黨組副書記一職,如無意外即將卸任部長,可唔可以安全著陸都唔知,至於會否涉埋孟建柱本人或者更高層就唔知了。孟建柱年代被提拔嘅政法官員被清洗,唔知嗰陣被提拔嘅香港紀律部隊官員會唔會有啲有影響?曾局長呢期當紅,又勇於擔當,應該無事嘅,但我諗曾局長都係快啲收番埋同孟建柱張相好啲。

2. 後面書櫃啲書,雖然大部份睇唔到係咩書,但睇個書脊,都可以辨別都幾本。右手面上下兩排,上排其一本似乎係專門出版中共內幕禁書嘅明鏡出版社出品;而下排就有幾本黃易《日月當空》,另外內地科幻作家劉慈欣的鉅著《三體》同《三體II》。如果呢間係曾國衛嘅office,咁佢叫做識睇吓書。但係嗰本明鏡,都係收番埋好啲嘞。😏

廣告

作者 Facebook

發表意見