立場新聞 Stand News

陳志全、張超雄提「武漢肺炎」 工聯會何啟明斥抹黑:唔通沙士又要加香港兩字?

2020/3/10 — 15:50

【2300 新增何啟明道歉片段】

立法會衞生事務委員會今早召開特別會議討論疫情,當中人民力量陳志全在發言時提及「武漢肺炎」四字,即時被委員會主席蔣麗芸糾正講法為「新冠肺炎」。工黨張超雄發言時,亦有提到「武漢肺炎」一詞。

後來工聯會何啟明在發言期間,就在提問官員前表示陳志全和張超雄是故意用「武漢肺炎」一詞形容新型冠狀病毒,做法令他「十分遺憾」,又認為他們的目的是「喺度好巴之閉,喺度抹黑中國」,實情是東方人去到西方國家就注定被歧視,反問:「唔通沙士又要加返香港兩個字上去咩?」

廣告

稱陳志全、張超雄「巴之閉」

何啟明在發言時候稱,對於有陳志全和張超雄將新型冠狀病毒肺炎叫做武漢肺炎,感到十分遺憾:「剛才聽到陳志全同張超雄發言,都聽到佢哋係專登用『武漢肺炎』去形容新型冠狀病毒,我諗佢哋用意大家都好清楚,肯定係抹黑中國。」

廣告

何啟明又認為,陳志全和張超雄的態度是在香港「喺度好巴之閉,喺度抹黑中國」,但實情是東亞人一到外國就會被歧視:「你去到外國,去到歐洲,去到美國,人哋唔會理你係香港人、中國人、甚至全部東亞人,佢哋都會一致咁話你,一致咁去歧視你;無論你日本人、韓國人、泰國人、越南人,佢都係咁歧視你」。他反問二人何苦「抹黑」中國,「唔通沙士又要加返香港兩個字上去咩?」

何啟明最後向主席蔣麗芸表示,「武漢肺炎」四字確實有針對性,如果再聽到有議員使用該詞,應該即時制止,「如果再聽到議員專登咁去講,咁就真係要處理。」

何啟明晚上在錄製短片致歉。

發表意見