立場新聞 Stand News

離開我吧,以後都不要想起我了

2020/9/16 — 11:06

圖片來源:港台影片截圖

圖片來源:港台影片截圖

全民檢測反應太差,大陸來港檢測的醫護大賣悲情,唔係着尿片就唔食飯,一係就婚都唔結落嚟(國家任務得揀咩),又話要忍經痛(香港醫護冇經痛嗎)……

即係有個女仔鍾意咗你,但你好唔鍾意佢,但佢都要苦苦痴纏,迫你愛佢,然後連埋姨媽姑姐用盡以下方法情緒勒索:

你知唔知個女仔為你做咗幾多嘢?

廣告

佢幾日冇瞓,忍住經痛,着住尿片都要整個心心蛋糕畀你啊。

你知唔知個女仔隨隨便便都搵到幾個好男仔拍拖?佢都唔要,都係為咗你。

廣告

個女仔對你咁好,你咁都唔領情,你簡直唔係人。

問題係,我真係唔鍾意呢個女仔!

我唔想同佢一齊後,以後畀佢日日審判同情緒勒索啊!

唔鍾意就係唔鍾意,無情啲講,你做乜都係自願,我從來冇迫過你啊。

我一早叫咗你唔好咁做,我哋唔會開始到㗎。

像極了愛情!

Come on,Jane,連藍絲都唔鍾意,沉默大多數都唔響應,得嗰一兩成人口去驗,冇法啊,你恨我吧,離開我吧,以後都不要想起我了。

作者 Facebook

(標題為編輯所擬)

發表意見