朝雲

朝雲

左膠

2020/6/12 - 18:18

香島學生組人鏈聲援李老師ㅤ「佢唔止教我音樂,佢教我做人」

作者攝

作者攝

6.12 九龍塘
「相比我自己會唔會俾學校清算,為李老師討回公道重要啲。」

「一直用幽默嘅方式教書」、「同我地好 friend」、「好 nice 好玩得」、「對所有同學都好好」……

九龍塘多間學校的中學生組成人鏈,聲援疑因允許學生唱《願榮光歸香港》(《榮光》)而不獲續約的李老師。

廣告

李老師執教香島中學十二年,受教於李老師的學生,對其印象完全一致:相處如友,毫無架子,打成一片,深受學生愛戴。她熱心上課之餘亦積極組織校內手鈴隊、木笛隊與合唱團。

然而李老師不獲續約,學期完結終須一別。事肇於上學期中三級的音樂考試,四班都有學生選擇唱《榮光》應試。

A、B 兩名中三生披露:「佢有提醒我地,儘量唔好揀關於政治嘅歌,但考試項目話明係『自選歌曲』,真係想揀都可以接受,所以四班都有學生揀《榮光》。」

李老師已事先提醒學生,惟學生獨愛《榮光》她始終尊重,更允許政見不同的學生在其他同學唱《榮光》時離開課室。她疑因此賈禍失去教職。

A、B 批評教方所謂「勿將政治帶入校園」,但李老師的遭遇不過顯得校方「講大話」。另一學生說得更直白:「咁好嘅老師要走,大把藍絲老師唔識教書就留喺度。」

附近陳樹渠紀念中學、瑪利諾神父教會學校的學生,出於同氣連枝也前來援手。「政治打壓已經入嚟學校。香港係一個自由社會,依個係關乎正義嘅問題,我地有權利講想講嘅嘢。」

「好無奈」、「好無謂」、「好無理」、「好唔抵」、「好唔捨得」……所有學生的感受都是不約而同。一名男生尤其磊落:「相比我自己會唔會俾學校清算,為李老師討回公道重要啲。」

蔡父與蔡同學是人鏈中最獨特的風景,唯有蔡父一位家長陪同兒子過來。

蔡父說:「我問過佢驚唔驚要退學,佢話唔驚。嘅然個仔都企得出嚟,做爸爸冇理由唔支持。」兒子見過同學因黃藍之爭與家人不和,尤其感激父親。

蔡同學由中一到中四都受教於李老師,「佢唔似其他老師咁死板,上堂好開心,從未有一次鬧過學生。」雖然毫無音樂天份,但李老師還是推動他加入手鈴隊。薰陶不只在音樂,還在言行身教。

「佢唔止教我音樂,佢教我做人。我放棄自己時佢都未放棄我……」蔡同學說罷泫然。

他補充李老師從來低調,從未曾在上課談及政治,她做的事只是尊重學生意願。

 

作者 Facebook