假才子

假才子

比較政治碩士學歷、傳媒工作者。取名「假才子」是因為潮流興才子才女,但又沒有人承認自己是假大空的偽才子才女,所以先行澄清。文章內容不好就還請見諒,畢竟我不是個正牌才子。

2020/7/30 - 17:53

香港人其實仲有咩係做得的?

資料圖片,來源:Mitch Lensink @Unsplash

資料圖片,來源:Mitch Lensink @Unsplash

香港人其實仲有咩係做得的?近日新聞:出街唔得,食飯唔得,教書唔得,參選唔得,投票唔得,示威唔得,移民唔得……只有奶共得。

換一次次序講。你話示威暴力違法,叫人和平理性表達,咁去選舉囉,又唔得。叫人唔好搞咁多政治,想有安樂茶飯,又俾你玩殘。乜都做唔到,咁移民啦,又話唔承認。

其實香港係咪變咗巴勒斯坦呢?有人形容巴勒斯坦係世上最大露天監獄,走又走唔到,留喺度又冇嘢做到,活受罪。又有人話,去外國做二等公民冇尊嚴。家陣全民踎街食飯好有尊嚴?聽住班廢人叫你去郊野公園食飯好有尊嚴?投票都冇得投係幾多等公民?

廣告

仲要日日聽班小丑講廢話,例如咩你冇 stake、你破壞緊佢建立嘅收成期、美國對香港冇影響……冇 stake 因為你唔比人有 stake 嘛,你又到底建立過乜阿 WTF,跟住另一個陳生你戶口俾人關咗啦,冇影響。

交稅又要繼續交喎。提提讀者,依班天才每個月收緊咁多公帑:特首 39 萬、三司 32-34 萬、各局長 31 萬、各常秘 (D8) 29.5 萬、各類署長 (D5+) 25.1萬 +、各 DQ 主任 = 民政專員 (D2) 17.9 萬……

 

作者 Medium