立場新聞 Stand News

香港人會記得真相,亦會記得滅聲嘅小人

2020/12/1 — 13:51

今日香港荒謬嘅程度,係如果你做記者做到俾人清算、俾人成組炒魷、俾警察拉嘅話,可能就證明你成功做到一個好記者。

今日有線新聞大裁員,專題探究報導節目《新聞刺針》全組被炒,中國組隨即決定「齊上齊落」總辭抗議,記者們亦正包圍總監房抗議要求交代。我地睇過《導火新聞線》,但再一次,現實中香港嘅墜落比戲劇更誇張。

希望大家可以再一次重溫《新聞刺針》高質嘅報導,等我地記得香港嘅真相,記得呢一班記者係如此為香港努力過。(記得 backup 啦當然都)。

廣告

有一班老闆、權貴,就係唔希望我地記得呢一切:由搞笑嘅動物傳心師、氫水機等騙案,去到反修例風波、政府抗疫嘅無能失責、建制議員嘅荒唐、中国式劣質文化嘅入侵,多謝《刺針》為我地揭露呢一切。

最近新上任嘅有線新聞總監李臻,新聞副總經理許方輝(前 CCTVB 副總監),香港新聞界嘅歷史,會記得你地。

廣告

作者製圖

作者製圖

 

作者 Facebook

發表意見