假才子

假才子

比較政治碩士學歷、傳媒工作者。取名「假才子」是因為潮流興才子才女,但又沒有人承認自己是假大空的偽才子才女,所以先行澄清。文章內容不好就還請見諒,畢竟我不是個正牌才子。

2020/7/13 - 16:52

香港最美麗的風景都是人

初選成唔成功呢,我就等睇埋結果先講,因為話唔定又令人跌哂眼鏡,又會有人鬧。但 anyway,見到有人話戴耀廷每次都提出天馬行空的計劃,跟住誤打誤撞就實行咗。

其實佢嘅計劃唔係真係咁天馬行空。公民抗命,國際上做咗 N 年;配票、填白區、初選,全部都係,由政治學層面睇冇咩咁驚奇。

咁點解大家覺得佢天馬行空?好多原因,我概括諗例如大家唔肯走出 comfort zone,未做過就唔想試,又話者見其他人唔做就自己都唔敢做,又或者功利主義覺得唔會有用就唔做。

廣告

所以戴耀廷特別在,佢相信件事係對嘅,就應該去做,跟住真係自己落手落腳做,唔好怕唔得,唔好怕面懵,堅持去做,相信自己,亦都相信大家,走出 comfort zone 就會成功。我諗係依個精神值得學習囉。

跟住你話係咪好天真呢,我又覺得嗰啲相信阿爺英明,只係被人誤導,佢地都想香港好云云,嗰啲人就更天真囉。其實戴耀廷好似都冇乜咁講過,佢都係認為你要用唔同方式施壓,中共先會坐低談判,不過佢一方面諗好多新施壓手法,同時強調要和平非暴力咁解。

所以佢嘅天真唔係針對中共,係針對香港人。人人話佢痴線,香港人唔會聽你講做依啲事,佢都堅持去做。但原來香港人真係唔係乜都講功利,有時天真反而有回報。天真嘅香港人,令香港變得更可愛。唔只台灣,香港最美麗的風景都是人。

 

作者 Medium