林妙茵:鮑魚、人性化、告一段落

【文:林妙茵Miu

行政長官林鄭月娥到商台接受訪問,回應三位高官交際飯局違反限聚令一事。

她說:「咁你話佢食得好豪華,咁你被請到去又點知呢?菜單都冇得睇呀嘛。咁你唔可以話:唔係喎,好似有塊鮑魚喎,我哋起身走啦。咁即係大家要用一個比較人性化去睇佢哋嗰晚一個咁嘅宴會。」

先不要說,幾位高官是否根本不適合出席此類應酬,就假設盛情難卻,出席了,如果特首這一邏輯成立,是否等於:「去之前唔會問人家請食乜,去到就乜都食得」?這是否對官員的合理期望?如果桌上有支天價名酒呢?如果晚宴不只飲飲食食還有其他款待呢?

特首叫大家「比較人性化去睇」。首先,作為市民,我正是很「人性化」去睇:人性就是「雞髀打人牙骹軟」、就是與人有交情日後就要還人情。正因如此,《公務員接受利益及款待規管制度》中,要規避的是「使人認為自己履行公務時可能會有所偏袒」的款待,留意,不是你有冇偏袒,而是會否「使人認為你可能偏袒」,because perception matters!由這角度看:係呀特首,如果食食下唔對路,係應該起身走㗎!

又,說「人性化」,市民又能否倒轉要求掌權的人,「人性化啲」去處理問題呢?尤其是,當社會充斥「消息」,說區議員不只要 DQ 還會被追薪至破產之際;當特首呼籲父母教師見年輕人犯法「必須要舉報」之際⋯

特首還有一個論點:「⋯咁所以呢件事應該告一段落,因為佢哋都係主管好重要嘅部門,佢哋亦都係付出咗一定嘅代價㗎啦。因為做到我哋咁嘅高級官員,其實最緊要係自己嘅名聲,無論係啱又好唔啱又好,俾人咁樣喺報紙寫幾日,其實對佢自己同屋企人,都係一個心理壓力嘅。」

我不知有否錯誤理解她的意思,是否即是:「算啦,佢地坐緊咁重要嘅位置,又俾人唱足幾日嘞,都好樣衰㗎啦」?特首究竟是否明白,正因為他們「主管好重要的部門」,才不能不明不白不清不楚就算數?關鍵問題例如:點解保安系統執法首長要與內地民企交際?席間還有甚麼人?有甚麼好傾?款待性質如何?是否只有食物?如此款待是否有違公務員規管制度?有否利益衝突、或至少是「任何令公眾認為可能出現的利益衝突」?如何補救?一大堆問題這三位官員、暨背後一眾「消息人士先生女士」至今都沒有足以服眾的解答。然後 CS、CE 出來說句「算啦,都道咗歉交咗罰款啦」,然後叫大家「人性化」去「告一段落」?這幾年,香港太多事都無端端「告一段落」,我是不想連「廉潔」都「告一段落」,才如此執著不想這事「告一段落」呀。明唔明呀?

 

作者 facebook

編輯推介

    發表意見