立場新聞 Stand News

黃色經濟圈 4.0 供應鏈改革

2019/12/4 — 17:47

網民設計的「米豬連」店舖標貼,以示該店舖支持抗爭運動。(網絡圖片)

網民設計的「米豬連」店舖標貼,以示該店舖支持抗爭運動。(網絡圖片)

【文: 90後】

自反送中運動起,每每與家人及身邊好友出街食飯時,均會把一眾藍店/大集團刪走,不予考慮。現實是在和大商場,推而廣之為室內的商業區內,可以揀的選擇相當有限。個人消費固然是可以堅持,但反映出的現實是黃色消費雖然暫時有意識地影響了收入的流向,但黃店的經營實力沒有正面的改變。

在選擇性地挑選黃店消費時,消費者希望的是把錢花在理念相同,沒有因利益而去當護旗手的商家手中。但畢竟能直接即時改變的,只有供應鏈的最下游。舉個例,好多人去龍門冰室食飯時擺低錢比老闆請學生食飯,老闆把錢捐比星火自己請學生食飯;老闆又將一個市價 $38 飯餐請學生食時,老闆真金白銀付出既係食材錢。在餐飲業食材約 35% 的比例下,有 $13 比左供應商。(店租燈油火蠟人工刻薄少少當做已出之物先)咁 $13 就成為左上一層供應商既收入。老闆呢幾個月同供應商攞多左貨,供應商可能會捐埋一份,亦帶可能覺得老闆做蝕本生意好傻,無論點都好,老闆都要繼續幫襯佢,因為有更好既已用,沒有的總不能兩邊增加成本。

廣告

再諗深一層,老闆就係因為把大家的支持(捐的好,消費的也是)都有多無少咁轉送俾手足,先成為黃店 ICON。在今次從藍店轉移的消費收入都俾返哂手足,經營能力理應係不會有提升。黃店茶餐廳做一間的繼續做一間,做十間的繼續做十間看似無問題,但香港市民入大商場繼續只可以在譚仔、大家樂、美心等大集團之間取捨。超市就話好在誠哥有「博頭」,大家諗下重有邊知有規模,亦有誠哥咁高瞻遠矚。世界上無幾多個「誠哥」,香港亦出唔到兩個。無誠哥,在街市年年俾領匯轉售、翻新加租,小商戶日減既情況下,餸都唔知可以去邊度買。

黃色消費可能為藍店帶來長期風力不一的寒流,中型的可能捱唔住,(小型真心藍的不用理會,而且相信在民意海嘯下數量亦有限),大型的總會捱過去,暫時縮小規模、減省開支。在香港人甚至會為方便,在便利店買一枝 $12、同樣在超市賣 $8、報紙檔賣 $4的水既前題下,大企業有條件相信風暴總有消散的一天,風平浪靜後亦不見得能孕育出哪個有影響力的新對手,有能力見縫插針,積存實力。

廣告

為了抗爭能長期向前,為香港板塊帶來實質的變化,在下有以下愚見:

無大台模式一直在運動中容許各位手足以平等的方式檢討、反省、提出改善辦法,使運動中整體以極具彈性及高學習能力下動員及應變。無大台的形式能使黃店組成具行動力的「米豬連」聯盟嗎?

小店也許需要好多個人特色才能圪立至此,但檸檬茶用既都係檸檬;唔理你整吉列豬扒餅定梅菜肉餅飯都係用米同豬肉。大家樂平得起、賺得到,不外乎都係規模足以直接入口、自己買、自己用,重要中央廚房處理,原料慳,運作慳。黃店慳既$1,唔理佢俾手足好、加伙記人工、定擴充下俾香港人多個選擇,只要扎根香港,不忘初心,大定細都係黃店。

當然,呢個世界除左聯盟同心同德,肯攤開商量,有咩夾到有咩夾唔到,都有風險、有學費要交。到源頭訂大貨邊個做代表,互信機制細節如何、貨物源頭、農產品收成周期、咩季節要訂、訂幾多、進口運輸、存倉、派貨;中間被人甩底/遲交貨、包裝、環境因素影響品質、送貨整爛、樣樣都要試,樣樣都係錢。有風險要齊齊面對,而家的差價人家亦不是白賺。但筆者只知,風暴過後,黃店縱使要團結每一個小老闆,都要有與大集團過招的實力,咁香港人先可以把經濟的「票」得真正到手。

更何況以上所講的,都能新增黃色就業空缺,不論學歷、肯學肯試即可。

至於租金,入得商場,業主當然都係個幾個,但租得起,有本事做得住,先有機會見縫插針,到時大家鍾意「兄弟爬山」定「協力模式」都有能力自己發揮。

再個人感嘆一句,那些創科夢,看似飛上枝頭變鳳凰,實則一仗功成萬骨枯,賺錢的都係叫你集資、上市的人。獅子山精神先係香港人靠自己努力向上流,有能力扶一扶旁邊暫時絆倒的人,再攜手前進。

黃色經濟圈改革,由供應鏈入手增強實力,就算成就唔到當年年輕旭日初升的「誠哥」,亦要造就一個無大台的 7-11!

利申: 無生意、無背景 90 後

香港人加油!

作者自我簡介:無生意、無背景,突然想舒發個人睇法

 

發表意見