朝雲

朝雲

左膠

2020/3/30 - 15:43

點樣同一般人解釋點解要攬炒立法會

1. 要虛心同意外界批評立會過半作用唔大,結果好可能同區議會過半、醫護罷工差唔多。

2. 但而家武漢肺炎殺左世界各國數以萬計嘅人,係一場大屠殺。世界各國都想搵中國尋仇算帳,依個係人之常情。

3. 仲未計全球經濟崩潰對中國政局嘅影響。

廣告

4. 中共倒唔倒台就好難擔保,但習近平下唔下台就真係有一半機率。而家中共係色厲內荏,所以先要做啲好肉酸嘅假新聞。

5. 立會過半的確癱瘓唔到政府,一 DQ / 一釋法 / 一用緊急法就玩完。攬炒其實係搏一鋪,畀世界用香港作為機會向中國報仇。

6. 依個(不幸嘅)機會百載難逢,係搏得過。個人係溫和派,唔會有「支爆」、「獨立」等咁大想頭,但如果迫到習近平下台,香港同中國就會進入新嘅博奕階段:中國正式步入蘇聯晚期,香港亦可以準備做捷克做波蘭。

7. 要虛心向淺黃絲解釋點解攬炒搏得過。唔係嘅話即使過半都好快陷入原則派 / 溫和派分裂。

8. 事先要向大家講明,攬炒一定要以五大訴求為標準,任何一個訴求未達標都會堅持反檯。依個既係對選民嘅承諾,亦同時坦白提醒大家,衰左可能一個訴求都冇。但講清楚之後就要團結,唔可以反口鬧攬炒路線唔識「見好就收」。

暫時諗到咁多。

作者 Facebook