立場新聞 Stand News

「35+」,即係點?

2020/3/6 — 14:38

可能這樣說會得罪不少人、派別,但我認為今年立法會選舉只剩下兩派:攬炒派以及投降派

前者將會是用盡一切方法癱瘓政府運作,包括係會將任何,係 ***任何*** 政府的議案否決的議員,除此之外,都是投降(非攬炒)派。

三十五席(或更多)的目標基本上都已明確,從駱惠寧、譚耀宗、劉兆佳到日前撰文的周浩鼎,對家都好明顯知道這是我們的目標。所以,而家已經是一個「我知你知我知……」的狀態。技術位究竟如何做到當然要討論,但更重要的是,假設奇蹟能夠奪取三十五席,這三十五個人(以及背後的團隊)所背負著的,應該是怎樣的一個意志?

廣告

其實好簡單,三十五席只要有一個唔係攬炒派,我地就可以返屋企瞓覺。(建制派的紀律唔係問題啦,有得唔好咩?)三十四及以下是跟現在的形態完全無分別的。

所以,一係就唔好講咩「35+」,一講就應該係「三十五個攬炒派」啦。

廣告

只有三十五個攬炒派,先可以剎停撥款俾黑警出糧買裝請防暴。
只有三十五個攬炒派,先可以確確實實否決所有法案。
只有三十五個攬炒派,先可以逼到特首解散立法會,造出唯一一道破局的裂縫。

就係咁簡單。

 

作者 Facebook

發表意見