立場新聞 Stand News

【47 人案】多人單獨囚禁 女友指劉頴匡每日一小時「放風」短聚 苦中作樂

2021/3/6 — 13:08

47 名參與或組織初選的民主派人士被落案起訴「串謀顛覆國家政權」,除獲律政司撤銷保釋覆核的 4 人外,其餘 43 人遭繼續還押。有被告親友透過 Facebook 透露,各人目前正單獨囚禁;囚權組織「石牆花」亦引述消息指,所有初選被捕者均被安排單獨囚禁,即全日活動包括食飯及運動,均是單獨進行。

被扣押於荔枝角收押所的劉頴匡,其女友 Emilia 今(6 日)早探望劉頴匡後透過 Facebook 表示,目前各人單獨囚禁,但每日有一小時「放風」,期間可與其他人見面。

Emilia 引述劉頴匡指,在「放風」短聚期間,「范國威帶熱身、李予信教佢地跳街舞,佢仲跑咗『人生未試過咁多個圈』」。她形容男友精神較昨日改善,言談間有說有笑,又替獄中飯餐改名,譬如雞翼飯為「照燒手羽」、雞柳和雞蛋叫「親子丼」,一粒肉丸則叫「紅燒獅子頭」。

廣告

Emilia 形容:「雖然呢個係荒謬至極、不公義嘅審判,但至少可以苦中作樂,好過一味難受。」

今早探完劉頴匡,佢精神好咗好多,由尋日哭L左(哭L埋右),變到今日識得搞笑。 佢地宜家仲係單獨囚禁,不過有一個小時放風,可以見到其他人。范國威帶熱身、李予信教佢地跳街舞,佢仲跑咗「人生未試過咁多個圈」😂 食飯方面,佢話食物都唔錯,佢哋...

Emilia Wong 發佈於 2021年3月5日星期五

林卓廷見母 15 分鐘:已好開心

廣告

林卓廷 Facebook 專頁則透露,林母今早赴赤柱監獄探望林卓廷,見面時間雖短,但林已「好開心」;據悉林卓廷亦遭單獨囚禁,不過專頁指「唔洗太擔心佢,因為佢一向硬淨。」

民陣召集人陳皓桓則在 Facebook 表示,今早終於成功探望岑子杰,同時見到梁國雄、楊岳橋及梁晃維。陳皓桓說,梁國雄向他打手勢叫「頂住」,楊岳橋向他大力揮手,梁晃維則向他打了「心心」手勢。

陳皓桓又引述岑子杰指,日前由囚車押送離開法院時,從囚車聽到聲援者著他們「堅持」及「加油」,一眾被告於囚車上都感動流淚;岑子杰又指,正慢慢適應還押生活,但精神「ok 幾好」。

黃子悅 Facebook 專頁日前透露,她在羅湖懲教所遭單獨囚禁。

【關於阿廷,關於呢個page,關於保釋覆核】 ▍琴日阿廷已經見過家人,雖然只係見左15分鐘,但佢已經好開心。 圖為廷媽去赤柱監獄探望廷仔,要一個老人家自己長途跋涉去探個仔確實唔容易。好彩黨入面嘅兄弟陪住廷媽,仲車埋佢過去探廷,小編在此感...

林卓廷 LAM CHEUK TING 發佈於 2021年3月5日星期五

懲教署回覆《立場》查詢,指不會評論個別個案。署方指,會根據法例,如在囚人士主動提出要求保護,便會按實際情況和需要,作出分隔安排。

發表意見