立場新聞 Stand News

【47 人案】錄音暫別港人 譚文豪:唔使擔心我 我會好好適應牆內生活

2021/3/15 — 9:37

47 人案中譚文豪上周六保釋覆核,被高等法院國安法指定法官杜麗冰拒絕保釋,須繼續還柙至 5 月 31 日再應訊。譚文豪開設的食肆「一日三餐」周日(14日)晚在 facebook 上載譚文豪 2 月 28 日往警署報到前的錄音。譚在錄音中說:「大家唔使擔心我,我會好好適應牆內嘅生活,希望大家繼續支持『一日三餐』,我好快可以出嚟送外賣俾大家! 」

各位熱愛香港嘅同路人,我係譚文豪。

相信大家睇到新聞都知道,我因為《國安法》而被還押,短期內呢都唔能夠同大家見面。所以預先錄定音,答謝大家嘅支持。

未來呢有一段時間我唔會可以喺『一日三餐』同大家打招呼,或者係幫你抹枱幫你落單,但係我相信廚房嘅同事仍然係會花心思煮好每一道菜、水吧嘅同事仍然係會好落力咁樣沖好每一杯奶茶、樓面嘅同事仍然都會努力斟茶遞水、洗碗姐姐呢仍然都係會省到啲碗碟立立令,當然肥仔仍然會咁肥⋯⋯一切一切都會運作如常。我相信、亦好信任『一日三餐』嘅團隊依然會提供高質素嘅服務俾大家。

最後,大家唔使擔心我,我會好好適應牆內嘅生活,希望大家繼續支持『一日三餐』,我好快可以出嚟送外賣俾大家!

廣告

上周六被高院指定法官拒保釋  料還押至 5.31 

高等法院國安法指定法官杜麗冰上周六(13 日)拒絕讓譚文豪、郭家麒保釋,推翻西九裁判法院指定法官、總裁判官蘇惠德的決定,裁定兩人要繼續還押。譚文豪妻子聽審時神情緊張,一直緊握雙手;法官宣判保釋結果期間,譚母取出紙巾拭淚,譚妻輕輕搖頭。譚文豪望向妻子,她點頭示意,將雙手放於胸口前。

廣告

離開被告欄時,譚文豪右手按著胸口拍了數下,又向親友揮手,親友依依不捨與他道別。散庭後,譚妻、譚母在法庭會議室內再度拭淚,譚母則由郭家麒妻子拍背安慰。

譚文豪妻子日前開設 Patreon,提及兒子以「thankful」為題畫全家福,指雖然爸爸不在,但一對子女「好乖…錫住我唔使我勞氣」。譚太在標題寫上「一家人最緊要齊齊整整」,並道「老公,我一定會照顧好龍鳳B」。

 

發表意見