立場新聞 Stand News

612 半週年集會 被捕抗爭者:拘留所牆上見「光復香港」刻字 驚慌中感鼓舞

2019/12/12 — 21:40

612半週年紀念集會

612半週年紀念集會

民間集會團隊今晚在愛丁堡廣場發起「612半週年紀念集會」,參與的市民站滿整個廣場,大會稱有4.3萬人參與。有被捕人士在台上分享指,在俗稱「臭格」的拘留所內曾感到驚慌、疲倦,不過因為見到牆上有「光復香港」刻字而感到鼓舞他。

他形容在拘留所內,見到牆上刻有「光復香港」四字,相信是另一名被捕手足在用手指甲刻成,「係手足用手指、手指甲一筆一筆咁係牆上刻左呢四個字,提醒我哋,我哋經歷緊嘅嘢、做緊嘅嘢有人經歷緊,我哋做緊嘅嘢係啱㗎」。他感謝至今仍堅持參與運動的香港人,亦希望大家今後都能夠繼續努力,不要放棄。

廣告

該名被捕人士上台分享時表示,由六月至今走過炎夏並步入寒冬,正因為他們知道民主及自由已經被當權者推到懸崖邊緣,若不堅守僅餘的一點自由就會永久失去,「香港再唔可以變返以前嘅香港」。

廣告

他形容六個月前他們吹響號角聲,他們做的事會被寫入歷史之中,「我哋同全世界講我地呢一場唔係集會、唔係遊行、唔係暴動,而係起義、係革命。」他強調面對極權要理直氣壯,要毫不猶疑奪回自由,「我哋要理直氣壯係佢手中拎返曬我地所有嘅嘢,而唔係乞求。繼續加油,大家繼續堅持!」

「咩係時代革命?個時字,係講緊幾多手足用時光、同佢幾多個十年換取返黎。咩叫命啊?呢場運動有幾多人失去性命、血同汗去換取返黎。正因為我哋知道民主的果實係用血同汗同命去灌溉,所以我地面對極權唔應該被憐憫,唔應該被可憐,唔應該有同佢對話嘅諗法,我哋甚至唔應該參與佢哋所舉辦嘅對話會。」

發表意見