立場新聞 Stand News

【 831 兩個月】警方萬聖節製漫畫抽水 「如果真係有人死咗,點解冇人出聲嘅?」

2019/10/31 — 16:02

今日是萬聖節,亦是 8.31 警方衝入太子站打人兩個月,有網民發起在中環蘭桂坊舉行「全民面具日」,今午起亦陸續有人到太子站出口獻花。但就在香港人悼念死者的同時,警察官方 Facebook 發布了兩張與8.31太子站事件有關的漫畫慶祝萬聖節,並指「與其亂信謠言,不如聽下一啲對831太子站傳聞嘅理性分析,其實事情就係咁簡單」。大批網民留言大罵「死黑警」、要求公開CCTV等。

該警察 Facebook 貼文以「10.31 哈囉喂 x 太子站 8.31」為題,附上兩幅漫畫,內容以一位上班族與在悼念「831義士」的男子的對話為主。故事講述一名名為「心寧」的「專業人士」在萬聖節放工後趕地鐵,見到太子站B1出口外聚集了大批民眾,上前詢問情況;接著,一名身穿長袍的男子解釋指大家正向「831 死去嘅義士獻花」。「心寧」隨即質疑「如果真係有人死咗,咁佢屋企人呢?朋友呢?同事呢?點解冇人出聲嘅?」,而該名正在獻花的男子便啞口無言,手中鮮花掉落。「心寧」最後補上一句:「謠言止於智者」。漫畫底部更寫道:「一個人喺香港真係可以人間蒸發冇人知?」

該貼文寫道:「祝各位嘩鬼萬聖節快樂!」,又指「別有用心嘅人唯恐天下不亂」。

廣告

警察帖文一出,大批網民隨即留言斥責警方,並要求交出所有太子站事件相關 CCTV、成立獨立調查委員會等。有人寫道:「除咗警察,香港冇人可以做到令一個人人間蒸發冇人知」、「 既然無做,怕咩人查你地,成立獨立調查委員會,公開所有cctv」、「香港警察嘅誠信,由今年六月已破產了」等。

廣告

 

發表意見