學校教職員接種率低 建制派促教育局要學校「報數」

本港疫苗接種進度一直未如理想,據教育局數字,截至 5 月初,全港學校教職員整體接種率只有約 18%,多個建制派議員要求教育局,收集學校打疫苗數據,每月甚至每周「報數」,經民聯梁美芬批評,教育局容許學校「懶懶閒」、「自由行」,「佢就係要報數」,指接種疫苗是公德心問題,教育局有責任監察,「每一個月、每一個禮拜,話俾我哋聽,有幾多人打咗,老師有幾多打咗,點解,例如得 10%、20%,點解咁低。」

教育局長楊潤雄強調,政府無強制市民打針,必須尊重學校教職員有自行選擇的權利,「如果我要捉住間學校話,你得 10%,我要問責,我要你解釋,如果佢個解釋係老師唔選擇(打),到底我跟住下一步可以點做呢?」

立法會教育事務委員會,今(7 月 2 日)開會討論學校疫苗接種情況,據教育局資料,到 5 月初全港學校教職員接種率僅約 18%,建制派關注事隔近兩個月的最新接種率;楊潤雄指早前因應議員提出,做過一次全港學校調查,但沒有恆常要求學校就接種率報一個數,「答唔到」。

體演文出界馬逢國、民建聯周浩鼎等均提出,政府應積極掌握數據,馬逢國指政府只有 5 月初的數字,「我覺得有啲失望」,應要求學校每星期匯報有多少學生、教職員打了針,「我唔知唔緊要,但係政府一定要知 」;周浩鼎則指掌握數字有督促作用,「邊間學校打咗幾多,邊一間學校打咗幾少」,而且讓公眾都知悉,「等大家公眾知道邊啲學校係響應打疫苗做得比較好。」

但楊潤雄多次重申,政府無這個做法,若學校要恆常跟進接種率,會增加工作量,反問是否預算社會不同界別都有類似做法,否則「點解要特別去針對教育界」。

楊潤雄楊美芬辯論有火藥味

委員會主席梁美芬發問時仍然圍繞同一個問題,指打疫苗是公德心,教育界應該參與打疫苗讓香港恢復健康,「唔應該懶懶閒、唔應該自由行,佢就係要報數」,楊潤雄隨即回應「從來我哋無懶懶閒」,梁美芬稱她指的不是教育局而是學校,楊潤雄再回應「我都無容許佢懶懶閒」,梁美芬再追問局方是否有強調打針是「公德心問題」,楊就回覆「我自己亦都講過好多次」,雙方甚有火藥味。

梁美芬之後指,學校「點解可以無公德心」,教育局應該監察,要求學校交「成績同表現」,「每一個月每一個禮拜,話俾我哋聽有幾多人打咗」,若接種率太低要解釋,楊潤雄強調政府容許教師自行選擇是否打疫苗,「我哋必須尊重佢有自己選擇嘅權力」,又反問若局方要求學校問責解釋,校方解釋是老師自行選擇打不打,局方亦無法再跟進。

麥美娟:家長想小朋友打科興

工聯會的麥美娟則指,港府疫苗接種計劃復必泰疫苗接種年齡降至 12 歲或以上,但科興就維持 18 歲或以上,她收到家長反映對復必泰疫苗無信心,「我想打科興」,希望政府提供更多資訊,「講清楚唔係政府迫人只可以打復必泰。」楊潤雄指,會提供更多資訊予家長,解釋目前 18 以下只可以打復必泰,是因為科興的接種年齡未下調,若日後科學數據上許可,可以下調科興接種年齡門檻,「可以俾多個選擇係好啲。」

 

編輯推介

    發表意見