海關回答走私澳洲龍蝦如何危害國安 「重視食物質素,保障國民安全」

香港海關今日 (29 日)召開記者會,講解一宗反走私名貴物品行動。傳媒提問環節上,記者要求海關澄清打擊走私澳洲龍蝦與貿易戰及國家安全的關係,有組織罪案調查科高級監督李艷萍回答說:「其實每一個國家都係好重視進出口嘅食物質素嘅,都係為咗保障國民嘅安全。」

海關本月多次公開反走私行動,本月中旬曾交代一宗懷疑走私澳洲龍蝦案,新任女關長何珮珊更形容案件涉及限制貿易、維護國安。何珮珊在履新首日會見傳媒時說:「表面睇,一單普通嘅走私案件,走私龍蝦啫。但其實,呢啲走私活動會破壞國家對澳洲實施貿易限制。所以打擊呢啲咁嘅走私龍蝦活動,就係維護國家安全嘅一個好重要工作。」

李艷萍回應龍蝦危害國安疑問時稱,每一個國家都重視進出口食物的質素,目的是保障國民安全。

何珮珊的言論引起澳洲政府關注,路透社一篇題為「澳洲質疑為何香港認為龍蝦危害國家安全」的報道,引述澳洲貿易部長表示,澳洲政府正繼續向中國海關總署尋求加強檢查龍蝦的詳情,並強調澳洲向香港進口的龍蝦貿易完全符合入口國的規定。

負責澳洲龍蝦案的海關有組織罪案調查科高級監督李艷萍今日有備而來,記者問她,究竟打擊走私澳洲龍蝦與國安有何關係?與貿易戰又有何關係?今次案件又有否涉及國安問題?李艷萍一邊看着文件一邊回應說:「香港海關作為一個執法部門,我哋負責打擊走私活動嘅,唔論走私貨物係邊度來,或者去邊度係走私嘅行為,我哋都會毫不手軟咁樣將佢打擊嘅。其實每一個國家都係好重視進出口嘅食物質素嘅,都係為咗保障國民嘅安全,只要係一啲未經檢疫檢驗而經過香港嘅貨品,我哋香港海關都係會大力咁打擊,唔分佢哋係任何嘅產地來源,或者係去邊度。」

她續說,今次案件檢獲貨品種類繁多,當中大部分為名貴物品,「關鍵就係,呢啲食物係未經過檢疫檢驗嘅,例如魚翅,品質係存疑嘅,所以對社會大眾食用安全係構成極大風險。」

 

 

編輯推介

    發表意見