Chickeeduck 新城市廣場店

Chickeeduck 沙田新城市店不獲續約 周小龍冀轉戰街舖:無理由全港業主都奶共

連鎖童裝店 Chickeeduck 多間分店,早前因擺放民主女神像而引起法律糾紛,品牌第一間分店、已有逾 30 年歷史的沙田新城市廣場店亦不獲業主新鴻基地產續約,明日(28 日)最後一日營業。計及沙田店,至今 4 間分店因不獲續約而結業,老闆周小龍批評業主打壓,又稱會轉戰街舖,「無理由全港業主都奶共卦?」

周小龍向《立場》表示,去年 8 月擺放僅僅高 51 厘米的「民主女神像」於店內,翌日業主便發出律師信,警告違反租務條款,「同我傾就派啲茄喱啡,要告我就出動到孖士打,華人最高級嗰間(律師)行。」

他表示,過去一年疫情令生意大受打擊,業主已一直不願減租,及至上年年底談續約,商場一方開始勸周小龍提早離場,最終更不續約。他慨嘆「租咗 30 年,一直都係良好租客,而家做啲我哋覺得係良心事件,就變成你敵人…… 你都係食香港人飯大架嘛,點會打壓番香港人?」

自去年 6 月在愉景新城店擺放民主女神像,至少 4 間分店因而有租務糾紛,繼而不獲續租,甚至被《文滙報》、《環球時報》旗下《環球網》追擊。周小龍表明沒有後悔,「唔會因為畀啲商場踢走晒就轉番做中間派,今時今日仲邊有中間派」。

多名街舖業主 聞周小龍名字即拒租

他又表示有意轉戰街舖,去年已在銅鑼灣興發街開設「Chickeeduck 藝術生活百貨」,邀請藝術家在店面噴上示威者畫像,售賣與反送中運動有關的商品。他透露,目標是港九新界各有一間街舖,但亦不太順利,已有 5 個舖位在談好租金及條款後,因知道租客是周小龍即拒絕。他笑言「傾好晒租同 terms(條件),一開名,就得番隻鞋喺度— 對方走夾唔抖。」

他坦言「唔忿氣」,「無理由全港業主都奶共卦?」認為童裝業務可以發展網店,但實體街店仍有其重要性。他又認為,若有店面便可作為「文宣」,也提供一個空間供「圍爐」,「而家大是大非,你係要插枝旗話畀大家聽,其實做呢啲嘢仲係好正常,係要 keep 住發聲」。

編輯推介

    發表意見