立場新聞 Stand News

We.Connect.選委

2019/11/28 — 15:27

林鄭月娥

林鄭月娥

原來根據法例,區選之後出現特首補選的話,落馬嘅區議員係無得繼續做選委,區議員部份嘅選委需要先進行補選,才可以再補選特首。隨著 11.24 大奇蹟日之後區議員選委只有 15 人可以連任,意味補選選委的話,會出現多 102 個非建制選委。

如果 777 票減 102 票的話,一旦特首出現補選的話,北京的鐵票就只有 675 票。 在建制欠缺一位有能力統合整個陣營的候選人下,萬一當日坐擁 365 票嘅曾俊華再一次「玩嘢」參選,北京欽點的候選人極有可能落馬。

哩個解釋咗點解北京一直唔容許林鄭月娥辭職(可能連戲子都準備好以確保佢唔覺意死咗都唔可以謝天下)。

廣告

即係話,哩場選舉結果間接鞏固咗林鄭月娥餘下任期嘅穩定性 — 大家而家連林鄭都 #WeConnect 埋。

但我們志不止此。

廣告

北京的問題不單是短期内難以撤換林鄭咁簡單。一日只要曾俊華仍有參選嘅能力,同時建制未有其他明顯嘅儲君出現的話,北京嘅煩惱只會越來越深。今次反送中風雲,唔少本來聽命中央嘅林鄭支持者選委都可能因爲中央對香港過度強烈嘅手段而成為 collateral damage,同中央心生芥蒂,例如深受影響嘅飲食界、地產及建築界、航運交通界、酒店界、旅遊界、金融界、工業界以及商界。扣下扣下,大家會發現原來林鄭唔單止將建制從區政力量連根拔起,更甚至有可能架空中央在香港嘅管治。北京絕對騎虎難下。

長遠來講,北京可以「要島唔要人」,連一班唔聽話嘅港商都換埋。但短期内,哩班人肯定同你死過。

所以我成日話,其實林鄭真係英國派香港最高級別嘅間諜。

喂,世事諷刺成咁,你話仲有咩唔可以發生?

「咁即係點呀?」

香港人遍地開花,當然下一步要劍指立法會,尤其係功能組別。為嘅唔係要奪回無可能光復嘅立法會,而係要盡力從唔同渠道降低北京在選委内鐵票嘅數目。立法會以外,大家要盡一切能力,唔一定要令選委會「黃化」,但一定要令第一界別嘅選委「去紅」及「淡藍」化。 靠嘅方法就係要讓政商界明白,其實佢地已經同香港人一樣,成為命運共同體。

一直講攬炒,但係目標好虛無縹緲。

我而家提出哩個目標,肯定清晰,仲可以量化。

當北京明白佢連特首人選都無法再絕對操控嘅時候,先可以令北京改變對港政策及思維。

香港人,我地繼續 WeConnect!

 

作者 Facebook

發表意見