立場新聞 Stand News

一切都變得易明

2020/7/19 — 15:42

昨日(18日)確診(及初步確診數)迫近130宗,當中最少四宗嚟自一個旺角飯聚群組。相信大家有聽記者會,都會驚訝,點解係七月九日,疫情第三波已經急速爆發之際,仍然會有超過一百人既大型聚會進行,仲要又飲食又唱歌,抗疫意識如此低下。

當知道答案後,一切都變得易明:「慶回歸創輝煌歌舞晚會 」

原來過百名愛港人仕係呢個晚會飲飲食食,仲要除低口罩一齊勁歌熱舞,難怪會助長疫情擴散。

廣告

過去幾日,藍絲一邊話初選「篤數」其實冇人投,但又不停係冇理據既情況下抹黑初選係疫情爆發既原因。然而,初選過去近一星期,我地冇見到任何已知傳播發生係做足防疫措施既初選投票站中,反而見到呢啲莫名其妙既媚共宴會,即將成為大型爆發既原因。

呢啲就係親政府陣營既「同心抗疫」,「愛香港、反攬炒」。

廣告

成為疫情大爆發嘅幫兇,呢班BBS、MH、政協委員、會長主席等等,又使唔使出黎向香港公眾交代下呢?

作者 Facebook

發表意見