立場新聞 Stand News

三隻疫苗到底差幾遠?

2021/2/19 — 2:03

作者製圖

作者製圖

最近成日聽到 3 個數字:50.66% vs 70.4% vs 95%. 佢哋到底差幾遠?不如都係劃出嚟啦。大家知我好憎 Pie Chart(因為 Pie Chart 真係經常被誤用),所以今次用 Waffle Chart 嚟顯示數據,一格一個 %,清清楚楚。

順便解釋一下,所謂保護率,係指相對於冇打疫苗嘅人,染病嘅機會差幾遠。因為冇打疫苗嘅人唔會個個有病,所以個數字唔可以直接理解為「中定唔中」,而係能夠提供幾有效的保護(所以叫「有效保護率」囉)。

注意三種疫苗香港都有買,不過唔同注射地點供應唔同款式,傳媒有報道,大家知道自己想打邊種就唔好 book 錯地方了。

廣告

個人覺得,自問唔係公共醫療專業,單純從社會宏觀角度去諗,要睇時機囉。如果香港已經爆到一發不可收拾,日日都死百幾人,咁就算隻疫苗做唔到全面保護,只要做到重症唔洗死,咁有貨都打咗先算啦,死到臨頭冇得要求咁多。但係如果香港疫情已經受控,又知道有靚嘅疫苗快將到貨,咁又真係可以等埋隻靚嘅先打。當中個關鍵在於呢個唔只係香港問題,亦要睇其他國家承唔承認你款疫苗,否則你打咗但係又去唔到你要去嘅地方,咁咪企響度?呢個都係好合理嘅疑惑,唔洗將唔想打隻冇咁好嘅疫苗嘅諗法都視之為政治化。

———

廣告

想學整數據圖、懶人包?「看見數據」網上課程現已啟動!
立即登入:https://www.liberals.academy/

作者 facebook

(標題為編輯所擬)

發表意見