立場新聞 Stand News

今日 Shopping 完,我坐上死火的紅 Van

2020/7/1 — 21:04

放假當然要出街 shopping,行完一日身水身汗,接近黃昏,遇上一架銅鑼灣往旺角的紅 Van。一上車發現全車都是年輕人,氣氛有點沉重,個個看起來都很疲倦,這時候司機大哥:「大家!介唔介意畀多五蚊行西隧?如果遇 Road Block 搜車會搞好耐。」全車也非常齊心:「唔介意!」

司機大哥開行油,有種想要殺出重圍的氣魄,但突然:「仆街啦!架車冇氣!」。小巴上到菲林明道路斜坡開始冇力,司機大哥急 call 朋友來營救,我心諗可以點救?不是應該叫吊車?我們是否要轉車?

最後小巴停在會展對出,而加氣站在馬師路灣仔運動場後面,還有一段距離。沒多久救援的司機大哥 B 架著另一架紅 Van 來到,可以怎樣營救?竟然是開車畀油在後面幫忙推車!!!

廣告

全車人笑到痴線,街上的人看到目定口呆。年輕人在車上跟外面的人揮手,好威威,歡樂到一個點。

廣告

最後兩架車前後緊貼地推進,終於去到加氣站。司機大哥:「畀多 d 力!就到!」,更問油站職員可否拉條喉出來加氣(結果是不可以),但總算成功到達終點。全車的人要落車等待,司機大哥 B 摸摸車頭查看有沒有刮花:「 X 你老 X !咁都得!」,司機大哥 A :「係既大佬,今後你話點就點。」真正的義氣!

回到車上,接到媽媽的電話,變回溫柔聲線:「我就過到海啦,不用擔心。」

最後安全到達終點,司機大哥猛跟我們說唔好意思,每一個人落車,係每一個都說:「唔緊要!」

我以為自己睇緊九十年代的港產片,在這些日子,人人都說香港已死,但我覺得某種「船到橋頭自然直」的精神根本深植在香港人的心中,怎樣也消滅不了。

「咁都得?!」是的,我們總會找到辦法,因為「我哋真係好撚鍾意香港」。

發表意見