立場新聞 Stand News

【停打復必泰】香港公布遲澳門逾一小時 聶德權:引起混亂唔好意思 稱因香港有兩批次復必泰

2021/3/24 — 16:13

資料圖片:聶德權 Facebook

資料圖片:聶德權 Facebook

香港、澳門兩地今 (24 日) 早宣布即日起停打復必泰疫苗,因藥瓶封蓋有包裝瑕疵(詳見報道)。但港府比澳門政府的公布足足遲超過 1 小時,至今早 10 時正才正式發稿。公務員事務局局長聶德權下午在記者會上承認,「(今朝)實際過程當中可能會有少少混亂,或者有少少溝通上嘅問題,呢個希望大家理解同唔好意思!」他解釋,港府較澳門遲公布的原因,是香港有兩個批次復必泰疫苗,須花時間向復星了解批次使用情況,「已經係一個最快嘅做法」。

澳門今早 8 時 41 分已發稿公布,暫停接種復必泰疫苗,但香港政府今早 10 時才正式公布,足足遲了超過一小時,記者多次追問港府較澳門遲公布消息的原因,聶德權解釋,今早收到復星實業(香港)有限公司的書面通知,指批號 210102 的復必泰疫苗藥瓶封蓋包裝有瑕疵;但他指香港買了兩個不同批次的復必泰疫苗,分兩次從德國運到香港,故收到通知後,須進一步與復星了解書面通知的內容,以及兩個批次的實際情況,才能部署停用,「要搞清楚批次情況係點樣,同牽涉到邊個批次、使用情況係點樣,所以花咗啲時間嚟去做,相比於如果得一個批次情況就會簡單一啲。」

今早市民打針撲空 聶:望大家諒解

廣告

今早有預約 8 時的市民抵達社區疫苗接種中心後,才得知已停打復必泰疫苗(見另稿)。聶德權強調,同事已第一時間盡早安排,對於政府在早上 10 點才發出新聞稿,「係呢一方面係一個咁緊迫嘅通知之下,已經係一個最快嘅做法。」他又指,由於今早收到復星通知,「無可避免地今日預約咗嘅市民,會出現未曾接到通知而去到接種中心,係會引起不便,希望大家可以理解同諒解。」

他又提到,現時仍未能掌握復星的具體調查時間,並指衞生署署長已與復星醫學開會討論。

廣告

 

發表意見