朝雲

朝雲

左膠

2020/1/30 - 10:40

全城搶口罩 區議員團購 二千人大排長龍整個下晝

攝於下午四點半,現場有若干市民已排隊五小時。(作者提供)

攝於下午四點半,現場有若干市民已排隊五小時。(作者提供)

29/1 大埔

市民不約而同對政府「無話可說」:「係政府令市民受罪。」

* * *

廣告

大埔區政聯盟的區議員,為居民提供團購口罩服務,每家限買兩盒,貨物未到先要取籌,結果逾兩千居民在大元邨泰樂樓繞成一圈又一圈的人龍,整個下午不絕,部分市民排隊等候四五小時。

陳女士排隊五小時,即將抵達「終點」得到接待。「真係用哂,而且出面啲炒價......想一百蚊買一盒都買唔到。」她認為政府應該效法澳門,有責任為港人分配口罩。

「你對政府嘅處理手法......」筆者還未說到「有咩感受」,陳女士已毫無窒礙答腔,「完全垃圾,不知所謂。」

「我地識上網(搵資料),排百佳排屈臣氏排阿布泰國。但長者唔識,排左好耐都未買到。」

梁先生的母親一樣排了五個小時,慶幸已經取籌。問他對政府的意見,「冇嘢好講。」他補充:「已經表達哂我所有心情。政府做唔到任何嘢,唯有自己靠自己。」他感謝區議員付出,否則茫無去路。

排了三小時的李先生則仍在人龍中游,不過他的答案和梁先生無異,「對住依個政府真係無話可說。」

不過排隊沒消磨 K 女士自嘲的能力:「多謝林鄭,多謝中央。」

阿芬則選擇直言批評政府:「係政府處理唔好令市民受罪。」

至於陳先生和太太就各自分工,先生負責排隊,太太負責湊女,兼買麥當勞補給丈夫。

「政府......廢囉。」他身後數名市民一齊和應。

區議員文念志負責截龍。(作者提供)

區議員文念志負責截龍。(作者提供)

區議員區鎮樺訴說一眾議員和助理,開始工作至今連飯都未食,然而他們亦遭逢程班長和阿布泰國的經歷,面對很多市民投訴。區鎮樺一度動氣向一街坊說:「我可以 double 畀番啲錢你!」他解釋批發商來貨有限,早已派清,來日到貨必須按籌號先訂先取。

「政府冇充分統籌口罩供應,我明白政府要預留一定數量畀各部門使用,但當而家全城都冇口罩,應該先撥部分出嚟應急。有啲街坊見咁嘅時勢,屯積左一啲口罩喺屋企,結果有啲人有口罩用,有啲人冇口罩用。我地好擔心而家情況,政府應該儘早協調同搵貨源。」

區議員區鎮樺。(作者提供)

區議員區鎮樺。(作者提供)

* * *

後記

回程時筆者在大元邨見到市民衝突。一女士批評「台灣省」既屬中國一部分,卻拒供口罩予祖國,非常過分。若干途人報以「黐線」等批評,觸發罵戰。

有孩子問爸爸發生何事,爸爸解釋他們在互相拜年。

作者 Facebook