立場新聞 Stand News

公營醫療服務將會長爆長有,因為…

2019/1/28 — 16:12

資料圖片,來源:醫管局 Facebook

資料圖片,來源:醫管局 Facebook

公營醫院服務爆煲政府就興搵藝人出嚟打氣,學人賴土地不嬲唔夠同人手不嬲不足,你睇下依家政府喺新界北土地規劃攪緊乜,就知道話佢涼薄偽善係冇講錯㗎。

根據上年公佈嘅新界北初步規劃研究報告,呢個佔地成 5,000 公頃既邊境地區,未來仲要講到明話要大力發展俾高齡陸客做「醫療旅遊」(Medical tourism for aging PRC population),同時有估算未來香港醫療服務嘅就業增長,係會由 2012 年約 79,000 職位激增多 133,000 個位出嚟,增幅成 1.8 倍好有可能就係考慮咗攪呢啲「醫療旅遊」嘅估計。

圖片來源:本土研究社

圖片來源:本土研究社

廣告

我想好粗略咁講:條數肯定嚴重低估,如果你要將香港未來新市鎮嘅定位,係去服務未來全國 13 億人中產以上嘅高端銀髮市場,你要填多幾個東大嶼人工島,請多 100 萬個本地醫生護士都唔夠啦。

廣告

仲有,我哋拎成千億公帑出嚟俾你收地規劃,啲私樓起到去打鼓嶺落馬洲又攪埋一站式中港醫療旅遊,你估最後規劃出嚟究竟又係俾邊個?

其實香港人有咩得罪咗特區政府,將未來本地醫療資源拎去賣俾高端陸客消費,依家連自己排急症閒閒哋都等 8 粒鐘,做啲小手術有啲小市民逼住去咗平啲嘅深圳,又口口聲聲話人力資源培養唔夠,咁你仲好意思規劃啲地分哂啲醫療人才出嚟服務陸客?你當香港嘅普通市民全部都係死㗎,俾唔起錢就你死你事?

造地唔係俾你用,冇錢當你低端人口,如果你仲係覺得咁樣嘅土地規劃係冇問題,呢個未來你係值得擁有。

 

☹️ 新界北初步規劃研究報告 
? 幫你睇緊政府規劃,請支持規劃研究工作
了解更多

本土研究社 Facebook

發表意見