公立醫院強制安心出行 病人家屬斥多餘 醫生:趕住救人係咪唔入得?

明日(11 月 1 日)起,進入醫管局總部及公立醫院的市民須使用「安心出行」,獲豁免人士可填寫表格登記。措施生效前夕,有未裝程式的病人家屬今日特意來到醫院交付物資。有醫生批評強制「安心出行」在運作上不可行,「成間醫院咁大,我由病房去門診已經咁趕,唔通跑到去門診門口,仲要停低搵部電話出來嘟你個低能嘢呀」。

11 月 1 日起,除獲豁免人士,包括 12 歲以下和 65 歲或以上人士、使用「安心出行」有困難的殘疾人士,或因應實際情況而獲豁免的個別人士,其他人進入醫管局總部及公立醫院行政大樓人士必須使用「安心出行」。《立場》記者到訪威爾斯醫院外,有病人家屬指已安裝應用程式,感覺方便;亦有人認為措施多此一舉。

朱先生的家人現正在威爾斯醫院留醫的,他今日前來放下兩包紙尿片,指是趁明日措施生效前來到,但未來探病安排,他指可能都要找一部舊電話來安裝以符合規定。目前探訪病人的家屬,本身要透過醫管局網頁,或流動應用程式「HA Go」填寫健康申報表,朱先生認為「件事都係多餘,醫管局都有 App 要填資料」。除了公立醫院,明日起出入政府設施均要用安心出行,他就指「坦白講,有點難避,未知點處理」。

「其實我唔係好想安裝,我明天帶老婆來覆診,佢坐輪椅一定要推。」羅先生在威院門外花了十多分鐘,掃描安心出行二維碼下載程式。他指自己今日來交口水樣本,順道預先安裝。「都好無奈,物理治療室又要,驗血又要,我老婆上腫瘤科覆診又要,你話係咪好煩,我好唔了解政府點解會咁」。

有醫生就指,平時上班均有紀錄,「我返咗工你唔知咩,我哋如果趕住返去救人咁係咪無安心就唔入得」。他又提出程式的問題,進入場所 4 小時後就會「自動離開」,「成間醫院咁大,我由病房去門診已經咁趕,唔通跑到去門診門口,仲要停低搵部電話出來嘟你個低能野呀」。

該醫生續指,病房現時如難民營般擁濟,門診又看不完,「唔該有時間就處理吓香港醫療系統問題,唔係人哋大陸做咩你就做咩,仲要浪費我地嘅時間去搞啲咁嘢」。

編輯推介

    發表意見