六旬漢打科興疫苗兩日後亡 長者稱「生死有命」繼續接種  官涌中心 3 分 1 人甩底

一名 63 歲男子 2 月 26 日在佐敦官涌體育館接種中心注射科興疫苗,兩日後出現呼吸困難,經搶救後同日不治。今(3 月 3 日)早在官涌疫苗中心仍有不少市民接種疫苗,其中 73 歲李先生直言「無所謂,生死有命」,認為今次屬個別事件;但亦有長期病患八旬婆婆感憂慮,「我哋依家呢班長者(附近街坊)都未諗清楚。」

官涌體育館社區疫苗接種中心醫務總監郭寶賢今早到場視察,指目測人流較之前疏落,估計大約 3 分 1 至一半人未有按預約時間到場。他其後指,翻查資料得悉今日原本共有約 1,100 名市民預約,但截至今早餘下約 900 人,即有 200 人左右已取消預約。郭認為市民有憂慮「都係人之常情」,承認「係少咗人」。

郭寶賢又指,接種中心對於 63 歲男子的資訊掌握有限,僅知道他當日接種疫苗的時間、接種期間以及打疫苗後 30 分鐘休息時間內的身體狀況,「我們都係喺傳媒嗰邊知(他的死訊),衞生署都無通知,唔係好掌握到。」

佐敦官涌疫苗接種中心

10 多市民臨場拒打疫苗

郭寶賢透露,今早有 10 多位市民在諮詢現場醫護人員後,臨時拒絕接種疫苗,但他補充:「(有啲)係我哋拒絕佢」,其中包括一名高血壓患者,因今早未曾服藥,人員建議其先回家吃藥,留待下次再接種。

郭重申,疫苗接種中心的定位「唔係睇病嘅地方」,強調接種疫苗的最終決定權在市民,中心無法即場為市民提供詳細醫學診斷或取得病歷。他續指,過去一周亦有不少長期病患者接種疫苗,有些情況較穩定可以打針,但表明各人身體狀況有別,建議市民接種前須向職員清晰交代自己身體狀況,或先向家庭醫生諮詢。

官涌體育館社區疫苗接種中心醫務總監郭寶賢

七旬長者打針求安心

本港出現首宗打疫苗後死亡個案,與太太一同到場接種疫苗的 73 歲李先生直言「無所謂,生死有命」,認為今次屬個別事件,「如果學似佢(死者)咁多種病就唔打住先喇」,又指自己現時身體狀況良好,「想打咗安心啲」。在旁的李太則指:「咁辛苦先預約到,用手機㩒咗個幾鐘」。

今早 9 時起,5 個優先接種組別的市民可在網上預約復星/BioNTech 武肺疫苗「復必泰」,問到會否選擇接種「復必泰」時,李生答:「嗰啲反而唔係太想打,副作用多嘛。」

市民盧先生

年輕人:一個(死亡個案)姐 唔洗咁誇張

陪嫲嫲到場接種疫苗的盧先生說,昨日看到新聞後「都有怯一怯」,但直言自己較年輕,認為毋須過於擔心。他說,較憂慮患有長期病患的爸爸,會先「睇定啲情況」與他商討,不排除建議爸爸接種另一款疫苗,但他其後補充,現時只有 1 宗接種後死亡的個案,「都係一個姐,唔洗咁誇張」。

另一位接種後的市民、79 歲黃先生形容「No feeling,not hurt」,自言現時精神好好,「(接種後死亡)係 5 萬分之一機會,我見個個打完好精神咁走。」他懷疑死亡事件與感染有關,「(糖尿病)啲藥物好傷」。

79歲市民黃先生

82 歲婆婆「睇定啲」

在當區居住的 82 歲鄺婆婆本身有高血壓、膽固醇,日前曾預約接種疫苗惟失敗,她說昨日看到新聞後,不禁感到擔心,「睇定啲情況,再等一兩個月先…我哋依家呢班長者都未諗清楚,樓上樓下幾個街坊都仲諗緊。」但她說自己未來仍會接種疫苗,但有待觀望進一步情況。

衞生署衞生防護中心總監林文健今日凌晨見記者,強調未確定 63 歲男子死因與打疫苗有關,今日專家委員會將開會審視。林又重申疫苗效益高於風險,「接種計劃可以繼續」。

編輯推介

    發表意見