立場新聞 Stand News

再遭質疑造假 英文書信來往 9 年 助養女童不懂英文 宣明會:由他人代筆

2021/2/3 — 21:05

香港世界宣明會日前被質疑,發予助養人的小孩近照多次重覆,再有助養人指自己以英文與受助小孩書信來往達 9 年,惟見面時對方「一句英文都唔識」,質疑信件造假。宣明會解釋,年幼兒童或因未懂用英文或當地語言寫信,會由他人代筆,信件內亦會註明,但助養人 Denise 表示,從未聽聞英文書信亦有代筆。

助養人Denise 向《立場》表示,自己 2018 年曾到非洲馬拉維探望助養兒童,但對方全程未見有開心表情,「好似唔識我咁」,更「一句英文都唔識」,只懂得當地語言。

她稱自己以英文與助養小孩書信來往長達 9 年,自己亦有寄過照片予她,對情況感不解,質疑收到的英文信件造假,「原來平時寫信比我既英文,都係假」,「我每個月捐嘅錢唔係話,幫助佢供書教學咩?點解連最基本嘅英文一句都學唔識」。她又稱,不是期望小朋友可用艱深英文回應,但至少可以簡單溝通,惟當時全程都要靠翻譯,「連同佢講悄悄話、私人溝通嘅空間都無,咁我嚟有咩意思?」

廣告

另外,她觀察到,有大量汽水及餅乾等物資運送入宣明會在馬拉維的辦公室,職員解釋汽水及零食是作為免費禮物,吸引村民聽講座,惟 Denise 認為不合理,「正常一個貧困人士,一日三餐連基本都食唔飽,派汽水零食比佢地有咩用?會食得飽?幫助到乜野?」

世界宣明會助養人Denise 表示,自己 2018 年曾到非洲馬拉維探望助養兒童,發現有大量汽水及餅乾等物資運入馬拉維辦事處。(助養人 Denise 提供)

世界宣明會助養人Denise 表示,自己 2018 年曾到非洲馬拉維探望助養兒童,發現有大量汽水及餅乾等物資運入馬拉維辦事處。(助養人 Denise 提供)

廣告

面對 Denise 的質疑,世界宣明會今日發稿解釋,指馬拉維的家庭及兒童主要以當地語言作日常溝通學習,孩子未必能用流利英語表達自己,亦未懂用英文或當地語言寫信,會由他人代筆,信件內亦會註明,但 Denise 強調,從未聽過英文書信亦會有代筆,又稱宣明會的宣傳片段亦有英文教學,批評是「自打嘴巴」。

至於何以有大量零食,會方則指,由於培訓一般需要用大半天時間,當地員工會預備小食給社區成員補充體力。

宣明會又指,曾多次與 Denise 以電話聯絡,並按其要求,安排了馬拉維辦事處給予助養者的致謝信件及兒童收取禮物後的照片,強調 Denise 亦接納宣明會的跟進。Denise 否認,指事後曾向宣明會查詢,並要求與高層會面對質,惟會方只願電話溝通,「態度好強硬,話即使我去總部都唔會見」,批評會方亦未有承認錯誤,反推卸責任予當地辦事處。

世界宣明會助養人Denise 在 2018 年到非洲馬拉維探望已助養 9 年的兒童,惟對方全程未見有開心表情,「好似唔識我咁」,更是「一句英文都唔識」。(助養人 Denise 提供)

世界宣明會助養人Denise 在 2018 年到非洲馬拉維探望已助養 9 年的兒童,惟對方全程未見有開心表情,「好似唔識我咁」,更是「一句英文都唔識」。(助養人 Denise 提供)

發表意見