立場新聞 Stand News

吳敏兒如何由一個空姐變成推動勞工權益嘅領袖

2021/3/9 — 12:02

吳敏兒

吳敏兒

【文:Erica】

首先去做咗空姐先,然後間航空公司單方面減雙糧,對家拋下一句「有本事你咪告我囉!」,然後呀空姐又真係去告間公司,仲成立個工會,一齊告添!

咦,我空姐黎㗎喎!點 Run 一個工會呀? 越洋拜師拜到去十萬八千里外嘅工會 office,由 online class 變到 face to face lesson,做埋 practice,返到香港帶領個工會做到好多個「香港工運史上嘅第一次」。

廣告

然後有年有個冇記性嘅女仔臨上機前竟然唔記得拎行李入閘,佢老豆就威啦,識變魔術變舊行李入禁區。人人咁變魔術仲得了嘅!

冇再做空姐,但變左空總嘅空姐,吹雞機場曬馬靜坐,上到法庭個官都判咗 「機場唔可以玩魔術變行李」。

廣告

呀空姐個名經過魔術師嘅加持,多咗好多唔關事嘅人識喇!

期間,呢位空姐覺得「工運不應天上有」(即係唔應該得航空業有工會呀),仲有涉獵其他行業添。

到咗呢個 Level 都夠光宗耀祖啦係咪?!比著好多人到呢度就收手,然後個「想當年」嘅光環應該夠食過世....

但係呀空姐冇。因為佢已經由 「空姐」 慢慢轉職做推動勞工運動嘅領袖....

早兩年香港掀起一陣怪風,一吹就吹左好多工運工會種子到香港每一個角落,街頭街尾都係踪影,工會旗嘅密度拍得住啲寬頻公司!玩到咁勁都未夠,為咗參加初選表誠意仲放棄埋個英藉!!

呀佢真係痴Q左線呀.jpg

然後有一日,有個自稱姓郭嘅上門拍門拉咗佢,又通宵審佢又唔比保釋....

Carol 吳敏兒小姐- 前英航香港機艙服務員工會主席,前香港空中服務員總工會主席,前職工盟主席,仲有- 我永遠嘅前輩!

點解要寫呢篇潮文? 因為昨日係國際婦女節,同 Carol 嘅經歷有個好相似嘅故事框架!

百幾年前有班婦女係 3 月 8 日攪罷工,上街抗議惡劣嘅工作環境同埋低薪,期間仲有警察出黎打呢班女人同驅散抗議人群。呢次嘅抗議活動促成咗第一個工會組織的建立!然後每年都有類似嘅抗議活動。有啲國家直頭做埋紅日!

當各位係其他網購平台輸入 Promotion code 「38Woman 」歌頌婦女節嘅時候,請同樣記得呢個 code- 香港人婦女節嘅代表「CarolNg-HongKonger」

#呢篇潮文嘅故事我會等佢平安出黎約食飯繼續寫埋落去
#唔識字好難寫
#但潮文1999我識

(原文刊於作者 Facebook,獲授權轉載,現題為編輯所擬)

發表意見