立場新聞 Stand News

單車通勤在中環 — 回應反對單車通勤的不同迷思

2020/3/6 — 16:43

photo credit: Joyce Yueng

photo credit: Joyce Yueng

已經不會再討論單車是否交通工具、路權等等課題,覺得自己很落後。但聽到一句「變返以前嘅中國內地咁落後」真的好笑又可悲,講這番說話的人其實知否世界上有多少先進城市一直鼓勵單車通勤,以及多步行去保持健康,促進經濟同減少碳排放?

有人認為單車通勤係「趕潮流」同「貪玩」,如果環保都係潮流的話,都只係好玩的話,我真心希望多些人會參與。恃強凌弱,危險的從來都不只單車,見識過不少情況是大車欺壓細車,細車欺壓路人,主因都是駕駛態度。要考牌是因為你將會操縱一部大殺傷力武器,一部可以殺死行人及其他道路使用者的武器,包括騎單車的人,反而單車每年撞傷、撞死其他道路使用者的數字極少⋯⋯雖然我不反對考駕駛執照以及熟悉道路規則,但某些先進國家、不同城市仍然不規定單車使用者考牌,箇中原因是殺傷力不對等,否則可能連行人,手推車等等都需要考牌。不講不知,騎單車如果違反交通規則,一樣會被罰款、扣分甚至乎監禁。再者,單車使用者亦一樣會擁有駕駛執照甚至身兼職業司機。

開燈、打手號、戴頭盔,為安全計是需要的,但當你身邊沒有車輛貼近,有時連汽車駕駛者都未必會打燈,對吧?總之大家儘做,最前跟最後都打手號,安全至上!日間開燈及戴頭盔暫時未有法例規定,不要跟電單車混淆。

廣告

保險如果有的話,應該不少單車車友想買,但又是否經常見到單車可以撞毀一部車,或撞死一個路人;又有幾多騎單車的被其他車輛撞傷撞死?歸根究底,大家互相尊重,意外才可以減少。

講到汽車登記稅及牌費,很多人以為足夠用作鋪橋起路,但如果做多點資料蒐集,靠這筆錢可能當年青馬大橋都未必能建成,更遑論港珠澳大橋,絕大部分建設運輸網絡的費用是由全香港納稅人的稅款支付。如果騎單車要交牌費嘅話,沒問題,但無論過海隧道,高速公路,甚至乎街上泊位,都應該預留空間給單車,政策上亦更加要開放。

廣告

至於太慢或者太快,真的見仁見智,據統計繁忙時間香港道路上行駛車輛的平均時速只是20公里左右,你肯踩,單車一定會比私家車快。香港因為單車而塞車的比例真係少之又少,反而違例雙線泊車係極其嚴重,對單車及行人的政策落後亦是主因。

紐約的人口密度是香港的1.7倍,日本容許在行人路上騎單車,亦不需要再討論其他城市怎樣去推動環保及其他綠色交通工具。喺香港唔得,定係香港人唔想得?少點怨氣,積下口德,政府不帶頭,唯有香港人儘做啦。

#互相尊重 #為未來 #為下一代 #為動物 #為地球 #做對的事很難 #推動更難 #MakeChanges #GlobalWarming #有單車的生活才是好生活 #天光Ride

 

發表意見