Rosina

Rosina

非牟利機構工作十多年,自覺係好人一個,愛生活,愛自由,希望簡簡單單開心過日子。

2021/1/26 - 12:50

大肚婆被警暴嚇到早產,建制啲女人去咗邊?

鎖上手扣的孕婦被警員拉起。

鎖上手扣的孕婦被警員拉起。

一個大肚婆在土瓜灣散步,被警員截查,言語間侮辱人地係肥婆、不合作、孕婦不適坐在地上,強行拉起身再落手扣。作為所謂的「紀律部隊」,對市民粗暴完全無紀律可言,不懂辨別大肚同肥又唔信人,係無知兼無良,除了反修例運動多次出位的火爆 sir ,同場的女警都可以視若無睹做埋幫凶,呢啲就係所謂的「人類」,事主家姐在醫院被女警問「係咪仇警?」預計等人一答就可以話事主一家仇警,所有責任推得一乾二淨,警方立即變白,我無錯,因為佢係仇警者。可惜家姐話無,以前撐警添!

事主本來係撑警藍絲,今日被控阻差辦工,入院早產,期間更大量出血,早產嬰兒不足兩公斤要入 ICU 。建制中咁多女人,小琼子、假博士、粗口娟,就算葉劉都做咗人阿媽,大過肚,點解都無人幫吓呢位前藍絲呢?你唔幫手解畫、投訴挽回一個撐警家庭,佢地就企係對面架啦!

驚謊經過 2019 年已貴為特權階級,行事一早遠離學堂所教,偏離紀律部隊權限,包容同袍暴力惡行美化為執法所需最低武力,不忠於法只忠於權力,嚐過暴力而無需負責的甜頭、警隊制服出巡所帶來高人一等、唯我獨尊的興奮只會繼續擴大。

廣告

2019-20,幾多做假口供、不誠實證人繼續行 beat、偷鮑魚、爆同事樽、販毒,試問香港有邊一個工種行業,犯罪率有咁高?